Pustaha

Pustaha i ma sada buku di halak Batak na uli manang na roa, dohot pangungkapon nipi. Buku on biasana biasa digurithon tu surat Batak. Sian parnidaan, pustaha on dua massam, i ma lampak dohot laklak. Lampak i tongtong do dibahen gombaran ni Ilik, i ma na manggobarhon Boraspati ni Tano.

Sasintongna parbinotoan na tarsurat di pustaha on dibagi gabe tolu massam, i ma parnibotoan tu patorushon ngolu, parbinotoan tu manegai ngolu dohot ulubalang. Pustaha i ma dipangke datu manang sahalak sisean na marsiajar gabe sahalak datu. Pustaha on biasana dibahen sian hau manang langkat ni hau alim (Aquilaria malaccensis), jumolo dilangkati. Ganjang langkat ni hau i boi do 7 (pitu) meter dohot bidangna 60 cm. Tung pe songon i, sada pustaha na disimpan di perpustakaan Universitas Leiden adong ganjangna sahat tu 15 meter lobi. Asing ni sian langkat ni hau, adong tong pustaha dibahen sian bulu manang bahan na asing.

Angka pustaha na godang ditanda:

• Pustaha Laklak D 53 - disimpan di Perpustakaan Nasional Republik Indonesia.
• Pustaha 4301 - disimpan di Logan Museum of Antropology, Beloit, Wisconsin, Amerika Serikat.
• Pustaha 12332 - disimpan di Übersee-Museum, Bremen di Jerman. Pustaha on marisi angka parbinotoan laho pamatehon alo (poda ni si aji mamis).
• Asing ni adong tong angka pustaha na jempek na disimpan di perpustakaan Universitas Princeton.

• Kozok, Uli. 2009. Surat Batak. Jakarta: Kepustakaan Populer Gramedia.
• Gambar pustaha
• artikel tentang budaya Batak