Recto

Recto (lat. „grod, richdig“) hoast de Foadaseitn fu am Bladl Bobia, am Papiarus, am Peagament oda fu an Gödschain. Bai mitloitaliche Biacha zöd ma oft Aunzoi fu de Peagamentbladl und ned wia fü Seitn a Buach hod. Dafia schreibt ma dazua, ob ma fu da Foada- oda fu da Hintaseitn fu dem Bladl ret. Bai soichane oidn Kodizes moand ma mid Recto-Seitn oiso de Foadaseitn fu am Peagamentbladl, oda im aufgschloganen bundanen Buach de rechde Seitn. Bai da Seitnaungob schreibt ma desweng de Numa fum Peagamentbladl und daun a hochgschdöds „r“, z. B. 76^r, fia de Foadaseitn fum 76dn Bladl.

D'Hintaseitn hoast im Gengsoz dazua Verso.

Recto deaf ma ned fawegsln mid'n Woat Rectum, wos a fu da söbn lodainischn Wuazl kimd, owa heit in da Medizin fian Enddarm schded.