Basa Latin

Basa Latin (Latin: lingua latīna, kaucapang: [ˈliŋɡʷa laˈtiːna]) inggih punika basa kuna sané rumasuk ring soroh basa-basa Indo-Éropa. Aksara Latin mawit saking aksara Étruski miwah Yunani. Sané dumun, Basa Latin wantah kaanggén ring wawengkon Roma miwah genah-genah sané nampek drika, Latium wastanné.^[1] Raris, punika mawinan Roma sayan nglimbak tur ngamedalang Basa Latin manados basa sané kaanggén ring Italia miwah ring Kaprabon Romawi Kulon. Basa-basa Roma modérn sakadi basa Itali, basa Prancis, Portugis, Spanyol miwah Romania, sami mawit saking basa Latin.