غزل

غزل – کلاسیک دوغو شعری نؤعودور.

غزل عرب ادبیاتیندا یارانیب. اورتا شرق و اورتاشرق، جنوب-شرقی آسیا، بیرده آذربایجان شئعرینین ان چوْخ ایشله‌نن فوْرماسی‌دیر. عروض وزنینین مۆختلیف بهرلرینده یازیلیر. غزل، اساساً، ۵-۱۲ بیت‌دن عبارت اوْلور. غزلین ایلک بیتی مطلع، سوْن بیتی مقطع آدلانیر. مطلعین هر ایکی میصراعی همقافییه اوْلور. قالان بیتلرین ایسه سوْنو مطلع ایله قافییه‌لنیر. مقطع‌ده شاعر تخلص و یا آدینی گؤستریر.

غزل اجتماعی-سیاسی، فلسفی مضمون‌لو اوْلماقلا، اساساً، لیریک شعر نؤعودور.

آذربایجان شاعرلری گنجه‌لی نیظامی، عمادالدین نسیمی، فضولی، صائب تبریزی، سید عظیم شیروانی، میرزه علی‌اکبر صابیر، میر مؤحسون نوّاب، خورشیدبانو ناتوان، حسنعلی خان قاراداغی، شاه اسماعیل خطایی فارس شاعرلریندن سعدی، حافیظ شیرازی، جامی، اؤزبک شاعری امیر علیشیر نوایی غزلین کلاسیک نومونه‌لرینی یاراتمیشلار.

چاغداش آذربایجان شعرینده غزل عنعنه‌لرینی، اساساً، علی‌آقا واحد، سولیمان روستم و محمدحسین شهریار داوام ائتدیرمیشدیر.

غرب ادبیاتی نماینده‌لریندن یوهان ولفقانق فون قؤته، پوشکین، بریوسوو و ب. شرق کۇنوسون‌داکی اثرلرینده غزل فوْرماسیندان ایستیفاده ائتمیش لر.

فلیین بیر بئله دؤورو اوْلاجاغمیش، نه بیلیم ؟

سارالیب باغو گولوستان سولاجاغمیش، نه بیلیم

اۆرییم یارالانیب، سینمه داغلار چکیلیب،

گؤزومه قان ساغیلیب، یاش دولاجاغمیش، نه بیلیم ؟

بیتیریب، باغ سالیب، بیر نئچه گۆللر یتیردیم،

اۇزادیب دستی-قضاء کیم یولاجاغمیش، نه بیلیم ؟

ال چکیب ناکه‌سی‌دن چرخ اله ناکس ایمیش،

بیر منه جؤورو جفالار قیلاجاغمیش، نه بیلیم ؟

آشیقه ناز ال‌مک عادت اوْلوب مه’شوقه،

بۇ قدر ناز ال‌ییب جان آلاجاغمیش، نه بیلیم ؟

بسلدیم زولفو، ددیم، باشیما سال‌سین سایه،

دولانیب بوینا ایلانتک چالاجاغمیش، نه بیلیم ؟

سلطنت روتبه‌سینی خار توتاردیم شاه ایکن،

منی باش‌دان آیاغا قم ساراجاغمیش، نه بیلیم ؟

روزیگارین دولانیب هالتی بیر اؤزگه حالا،

ای قاراداغی، منه قم قالاجاغمیش، نه بیلیم ؟