Pisimw

Atcakoc ka wasiketc kaie ka kisisawetc ota askik. Kaskina wec ici taw atcakoc mitowi icpimik e itapinaniwok waskok e tipiskak e micta mitcetitcik. E petapak wapanok tcipe matce nokosiw nac icpimik nokisiw e apita kicikarik. Nikapehonok nta ici pakicimo ekoni e tipiskak.
Anihe ata e itemikak "pisimw", enko ka wasiketc icpimik e mekwa kicikarik. Weckatc ki mitesikew, petakon tca neta aski, enko tca iskaskitesk ka itoniwok e ki pe otciparik pisimokw ka nitawikimikak aski.

Pisimw e asitcak

Mitato acitc nicw pisimwok irikik tawok peiko pipona. Ekote ko etci kiskeritcikatek napitc kotak e istakok e takociparik kaie napitc e itatoskaniwok, e wapahakaniwok kaie e kitikaniwok. Napitc nicto mitana matci kaie nicto mitana acitc peiko kicko tatino pisimok. Aric enko tepirak akokatcic pisimw nota ka tatokickwesitc, 28 matci 29 asko.

• Kenositc pisimw
• Akokatcic pisimw
• Nikikw pisimw
• Ka wasikatotc pisimw
• Wapikoni Pisimw
• Otehimini pisimw
• Mikomini pisimw
• Otatakon pisimw
• Kakone pisimw
• Namekosi pisimw
• Atikamekw pisimw
• Pitcipipon pisimw