Xelimer

Xelimer
rey de los vándalos (es) 530 - 534 ← Hildericu
Vida
Nacimientu	África, circa 480 (greg.)[1]
Nacionalidá	Reinu Vándalu
Muerte	Galacia, 553 (greg.)[1] (72/73 años)
Familia
Padre	Geilaro
Hermanos/es	Tzazón (es) Amatas
Pueblu	Asdingos
Estudios
Llingües falaes	Idioma vándalu
Oficiu	soberanu
Creencies
Relixón	arrianismu

Xelimer (posiblemente escritu como Geilamir; 480-553) foi rei de los vándalos y los alanos ente 530 y 534.^[2] Usurpó'l tronu al so primu Hildericu, pero derrotáronlu los bizantinos, dirixíos por Belisariu, en Cartago (Batalla de Ad Decimum el 13 de setiembre del 533) y Bulla (Numidia), siendo prindáu y lleváu a Constantinopla. Eso significó'l fin del Reinu Vándalu.

L'emperador romanu Xustinianu I declaró aína la guerra a los vándalos pa restaurar a Hildericu, pero sobremanera pa recuperar el norte d'África al Imperiu romanu. En xunu de 533, Xustinianu unvió una fuercia espedicionario mandada por Belisariu, que -procedente de Constantinopla- desembarcó en xunu, llegando finalmente a África a principios de setiembre. Mentanto, en Cerdeña, que formaba parte del dominiu vándalu, Goddas, un visigodu que Godder unviara a recaldar impuestos, empezó a tratar con Xustinianu como si fuera un soberanu independiente. Xelimer, ensin conocer los planes del emperador, unvió un gran exércitu a les órdenes del so hermanu Tzazu a apangar la rebelión. Esti foi'l primer y únicu gran fallu de Xelimer, polo que Belisariu entró en Cartago casi ensin topar resistencia. Dempués ésti asesinó a Hildericu y fuxó a los montes del Atles, onde s'entregó en marzu del añu siguiente. Al depuestu rei vándalu lleváronlu a Constantinopla, onde figuró nel desfile triunfal de Belisariu y depués presentáronlu al emperador, énte'l que dixo los versos del Eclesiastés: ¡Vanidá de vanidaes, tou ye vanidá!.^[3] Pocu dempués, Xustinianu nomólu patricius, distinción que Xelimer refugó, y dio-y unos dominios en Galacia, au se retiró a vivir cola so familia. El llugar y la data de la so muerte aína nun tán determinaos.

• Wikimedia Commons acueye conteníu multimedia sobre Xelimer.