Vulpes lagopus
Vulpes lagopus  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Mammalia | |
| Orde: | Carnivora | |
| Suborde: | Caniformia | |
| Familia: | Canidae | |
| Subfamilia: | Caninae | |
| Xéneru: |
Vulpes Kaup, 1829 | |
| Especie: |
V. lagopus (Linnaeus, 1758) | |
| Distribución | ||
 | ||
| Sinonimia | ||
Alopex lagopus (Linnaeus, 1758) | ||
| Consultes | ||
| [editar datos en Wikidata] | ||
La Vulpes lagopus ye una especie de mamíferu carnívoru de la familia de los cánidos qu'habita en llurigues a lo llargo y anchu de la tundra, xeneralmente nes llombes.[2]
Hábitat y distribución
[editar | editar la fonte]Les raposes ártiques distribúinse a lo llargo de les tundres del norte d'Europa, Asia y Norteamérica, incluyíes munches islles a les que llegaron caminando sobro'l xelu mientres les glaciaciones.
Descripción
[editar | editar la fonte]
La raposa ártica tien unes oreyes pequeñes y una capa trupa de pelo blancu que-y dexa subsistir y cazar a temperatures estremes (d'hasta -50 °C).[3] Nel branu, esta capa blanca de pelame llarga camuda por una capa pardu-abuxada de pelame más curtia.[4][5] En Groenlandia documentáronse exemplares de pelame azulada, carauterística apreciada polos pelliteros y potenciada polos criadores.
Les raposes ártiques miden ente 35 y 55 cm de llargu.[6] El pesu del machu ye 3,5 kg de permediu, con un rangu de 3,2 a 9,4 kg, y el de la fema de 2,9 kg, con un rangu de 1,4 a 3,2 kg.[6]
Comportamientu
[editar | editar la fonte]Permanecen actives tol añu y son de los pocos animales que nun enviernen o emigren a otres rexones mientres l'iviernu.[7] Suelen pasar sobro los bloques de xelu buscando xibartes varaos y carnáu abandonao polos osos polares, a los que siguen mientres díes. Estos suelen inoralos, anque diéronse casos d'ataques d'osos escontra raposes ártiques. Si dalguna raposa ye sorprendida pol destemple branizu a gran distancia de tierra firme, pue acabar nes fauces d'un tiburón. En tierra, los sos depredadores más frecuentes son el llobu y l'uxu de la especie bubo scandiacus.
Alimentación
[editar | editar la fonte]El so principal alimentu consiste en pequeños mamíferos y aves, siendo la so principal presa'l lemin. Tamién consume güevos, y n'ocasiones da caza a los cachorros de foques. Davezu aliméntense del carnáu dexáu por carnívoros más grandes, como los osos polares. Cuando nun atopen carne, peracaben bagues y algues.
Reproducción
[editar | editar la fonte]Esta especie aparéase en marzu, que ye'l mes cuando yá hai camaes de lemmings, que van dexar a la madre alimentase meyor; esta, nel mes de mayu, da a lluz una camada de cinco o ocho cachorros.[7]
Mientres el branu, esta especie forma pareyes monógames que curien conxuntamente de les críes. Nos llugares onde falten los lemmings y otros pequeños mamíferos, como n'Islandia, les raposes ártiques aliméntense casi puramente d'aves marines.
Subespecies
[editar | editar la fonte]
Hai cuatro subespecies:
- Raposa ártica d'Isles Bering, Alopex lagopus beringensis
- Raposa ártica d'Islandia, Alopex lagopus fuliginosus
- Raposa ártica d'Isles Pribilof, Alopex lagopus pribilofensis
- Raposa ártica de Groenlandia, Alopex lagopus foragorapusis
Referencies
[editar | editar la fonte]- ↑ Angerbjörn, A. & Tannerfeldt, M. (2014). «Vulpes lagopus» (inglés). Llista Roxa d'especies amenazaes de la UICN 2015.2. Consultáu'l 26 d'agostu de 2015.
- ↑ Bininda-Emonds, ORP; JL Gittleman, A Purvis (1999). «Building large trees by combining phylogenetic information: a complete phylogeny of the extant Carnivora (Mammalia)». Biol. Rev. 74: páxs. 143–175. doi:. http://www.daimi.au.dk/~cmosses/thesis/articles/Bininda_Emonds_Carnivora.pdf. Consultáu'l 30 de xunetu de 2008. (enllaz rotu disponible n'Internet Archive; ver l'historial y la última versión).
- ↑ Garrott and Eberhardt (1987). Novak, M. et al. (eds.): Wild furbearer management and conservation in North America.
- ↑ Canids: Foxes, Wolves, Jackals and Dogs
- ↑ Arctic Fox Alopex lagopus
- ↑ 6,0 6,1 "Alopex lagopus" at the Smithsonian
- ↑ 7,0 7,1 Dewey, T. and C. Middlebrook. 2007. "Vulpes lagopus" (On-line). visto 16 de mayu de 2009 at Animal Diversity Web
Bibliografía
[editar | editar la fonte]- Nowak, Ronald M. 2005. Walker's Carnivores of the World. Baltimore: Johns Hopkins Press. ISBN 0-8018-8032-7
- Sistema Integráu d'Información Taxonómica. «Vulpes lagopus (TSN 622025)» (inglés).
Enllaces esternos
[editar | editar la fonte]Wikimedia Commons acueye conteníu multimedia sobre Vulpes lagopus.
 |
Wikispecies tien un artículu sobre Vulpes lagopus. |
