Tomas Arana

Esti artículu necesita wikificase. Pues visitar la llista d'artículos pa wikificar. Contribúi camudando lo que seya necesario o poniendo na páxina d'alderique lo que nun conozas pa que l'autor faiga los camudamientos. (Collabora!) biografíes Esti avisu púnxose'l 17 de abril de 2010.

Tomas Arana
Vida
Nacimientu	Auburn (es) , 3 d'abril de 1955[1] (69 años)
Nacionalidá	Estaos Xuníos Italia
Residencia	Auburn (es) San Francisco Nápoles Roma Los Angeles
Llingua materna	inglés
Fíos/es	3
Estudios
Estudios	Teatro del Conservatorio estadounidense (es) City College of San Francisco (en)
Llingües falaes	inglés[2] italianu
Oficiu	actor, actor de cine, actor de televisión, actor de teatru
Altor	1,84 m
IMDb	nm0032962
tomasarana.com…

Thomas Clifford Arana (3 d'abril de 1955, Auburn ^(es) ), más conocíu como Tomas Arana, ye un actor, actor de cine, actor de televisión y actor de teatru d'Estaos Xuníos y Italia.

Arana creció en San Francisco (California) y estudió teatru clásicu nel prestixosu American Conservatory Theatre, pa dempués camudase a Nueva York y actuar en producciones off-Broadway. Darréu pasaría un tiempu viaxando por Europa faciendo autoestop, llegando finalmente a Nápoles, onde trabayó na galería d'arte de Lucio Amelio, llegando a conocer a Andy Warhol, Rauschenberg, Beuys, Richter, Longobardi, Clemente, Gilbert & George, y munchos otros. Andy Warhol pintó-y una semeya, qu'agora forma parte de la so estensa coleición d'arte. Arana tien doble nacionalidá italiana y norteamericana. Ta casáu y tien dos fíos.

Arana participó en más de 40 películes, dende películes de Hollywood de gran presupuestu hasta filmes independientes, tantu n'América como n'Europa. Ente les sos películes d'estudiu inclúyense L.A. Confidential (1997), faciendo'l papel de Bruening, El guardaespaldes (1992), interpretando a Portman, l'antagonista de Kevin Costner, The Hunt for Red October (1990), como Loginov, el sabotiador rusu, Tombstone (1993), l'almirante Frank J. 'Jack' Fletchery, en Pearl Harbor (2001), y First Kid (1996). Tamién foi Lázaro na polémica película de Martin Scorsese, The Last Temptation of Christ (1988). Arana foi amás escoyíu pa participar nel proyeutu Sundance Wildflowers (1999), un filme independiente obra de Melissa Painter, con Darryl Hannah y Clea Duvall como protagonistes.

En 2000 actuó na película Gladiator, encarnando'l personaxe de Quintus. La película ganó cinco Premiu Óscar, incluyíu'l de meyor película. Arana compartió repartu con Russell Crowe, Joaquín Phoenix, Connie Nielsen, Richard Harris, Derek Jacobi y Oliver Reed.

Arana foi protagonista o actor secundariu en más d'una trentena de producciones europees pa direutores como Lina Wertmuller, Liliana Caven, Carlo Verdone, Michele Soavi y col direutor xaponés Koreyishi Kurahara, con quien fixo la producción Toho See You.

Sobre los escenarios, Arana foi productor según actor principal na aclamada compañía Falsu Movimento, con base en Nápoles, Italia. So la supervisión de Arana y del direutor artísticu Mario Martone (agora un conocíu direutor de cine n'Italia), Falsu Movimento ganó dellos premios incluyendo'l de Meyor Obra del Añu, Meyor Decoráu, y tamién el famosu Mondello Prize. La compañía foi de xira per tol mundu, llegando a participar mientres nueve años nos festivales más prestixosos del mundu, ente ellos los que s'entamen en Londres, Frankfurt, Nueva York, Los Angeles, Madrid, Barcelona, Copenḥague, Estocolmu y Xerusalén.

• Páxina web oficial

• Tomas Arana na Internet Movie Database (n'inglés)
• Tomas Arana n'AllMovie (n'inglés)