Ken Jenkins

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Ken Jenkins}} ~~~~

Ken Jenkins
Vida
Nacimientu	Dayton, 28 d'agostu de 1940[1] (84 años)
Nacionalidá	Estaos Xuníos
Llingua materna	inglés
Familia
Casáu con	Katharine Houghton (1970 – )
Fíos/es	Daniel H. Jenkins
Estudios
Estudios	Antioch University (es) Antioch College (es)
Llingües falaes	inglés
Oficiu	actor, guionista, actor de televisión, actor de cine
IMDb	nm0420898

Ken jenkins (28 d'agostu de 1940, Dayton) ye un actor d'Estaos Xuníos, más conocíu pol so papel del doctor Robert "Bob" Kelso, el cerriscu y sarcásticu xefe de medicina de la sitcom Scrubs.

De familia d'orixe galés, en 1969 foi unu de los fundadores de la compañía teatral Actors Theatre of Louisville, de la que foi direutor artísticu mientres tres años. D'esta institución salieron dramaturgos como Beth Henley y Marsha Norman.

En televisión apaeció en series como Homefront, The X-Files, Babylon 5 y Star Trek: The Next Generation. Na pantalla grande vióse-y en película como Executive Decision, The Abyss, Air America, Last Man Standing, Fled, 60 segundos, I Am Sam, The Sum of All Fears, Matewan, Courage Under Fire y el remake de Psicosis (1998). Foi'l padre de Fran Goldsmith na miniserie basada na novela de Stephen King Apocalipsis.

Jenkins tamién canta y toca la guitarra acústica, como demostró en dos episodios de Scrubs: "My Tuscaloosa Heart" y "My Musical".

Jenkins tuvo casáu cola artista Joan Patchen dende 1958 hasta 1970, cola que tuvo tres fíos: Matthew, Daniel y Joshua. Dende 1970 ta casáu cola actriz Katharine Houghton. Col so fíu Daniel H. Jenkins participó nel musical de Broadway Big River: The Adventures of Huckleberry Finn (1985).

• Ken Jenkins na Internet Movie Database (n'inglés)