Dieciséis Reinos

	periodu históricu
Alministración
Xeografía

"Carpe diem": Frescu de la vida despreocupada, Liang posterior (後涼, 386-403) - Liang septentrional (北涼, 397-439).

Los Dieciséis Reinos (en chinu tradicional: 十六國, chinu simplificáu: 十六国, pinyin: Shíliù Guó, Wade-Giles: Shih²liu⁴ Kuo²), o menos davezu llamaos los Dieciséis Estaos, que sería la traducción más exacta del nome chinu, fueron un conxuntu numberosu de pequeño Estaos soberanos nel territoriu de China y nes árees colindantes dende 304 hasta 439 dempués de la retirada de la dinastía Jin al sur de China y antes del establecimientu de les Dinastíes Septentrionales. Orixinalmente, el términu foi introducíu per primer vegada por Cui Hong nel tresmanáu rexistru históricu Shiliuguo Chunqiu (Añales de les primaveres y les serondes de los Dieciséis Reinos), y acutaos a los dieciséis reinos d'esta era, que yeren los siguientes: Hanchao (漢趙, 304-329), Chao posterior (後趙, 319-351), Ch'ênghan (成漢, 303-349), Liang anterior (前涼, 320-376), Liang posterior (後涼, 386-403), Liang septentrional (北涼, 397-439), Liang occidental (西涼, 400-421), Liang meridional (南涼, 397-414), Yen anterior (前燕, 337-370), Yen posterior (後燕, 384-407), Yen septentrional (北燕, 407-436), Yen meridional (南燕, 398-410), Ch'in anterior (前秦, 350-394), Ch'in posterior (後秦, 384-417), Ch'in occidental (西秦, 385-400/409-431) y Huhsia (胡夏, 407-431). El términu foi ampliáu pa incluyir a tolos Estaos soberanos dende 304 hasta 439.

Práuticamente tolos gobernantes d'estos reinos formaben parte de dalguna de les etnies nómades o seminómades del norte, denominaes hú (胡) polos chinos, que solíen estremar cinco etnies principales, los "cinco hú" (五胡 wǔ hú).

Estos gobernantes d'orixe estranxeru asumieron, sicasí, los modelos chinos de gobiernu y alministración, y toos ellos reivindicaben la so condición d'emperadores (皇帝 huángdì) o reis (王 wáng) al estilu chinu. Pela so parte, los chinos Han fundaron los cuatro Estaos de Yan septentrional, Liang occidental, Liang anterior y l'Estáu de Wei. Seis gobernantes chinos de Liang anterior permanecieron de forma titular sol gobiernu de la dinastía Jin. La dinastía Wei septentrional nun se considera unu de los Dieciséis Reinos magar que foi fundada mientres el periodu.

Ver tamién

Emperadores de China

Referencies

Enllaces esternos