Constanza d'Antioquía

Constanza d'Antioquía
rexenta
Vida
Nacimientu	1127
Muerte	1163 (35/36 años)
Familia
Padre	Bohemundo II de Antioquía
Madre	Alicia de Antioquía
Casada con	Raimundo de Poitiers (es) (1136 – )[1] Reinaldo de Châtillon (es) (1153, 1153 (Gregorianu) – )[1]
Fíos/es	Bohemundo III de Antioquía (es) [2] María de Antioquía (es) [2] Felipa de Antioquía (es) [2] Balduino de Antioquía (es) [2] Raimond of Antioch (en) [2] Inés de Châtillon (es) [2] Jeanne of Antioch (en) [2]
Pueblu	Casa de Altavilla (es)
Oficiu	política

Constanza d'Antioquía (1127 – 1163) foi princesa d'Antioquía del 1130 hasta a la so muerte en 1163. Única fía de Bohemundo II d'Antioquía cola so esposa Alicia, princesa de Xerusalén, foi princesa d'Antioquía a los cuatro años d'edá, so la rexencia de Balduino II de Xerusalén (1130-1131) y Fulco de Xerusalén (1131-1136).

La so madre nun deseyaba que'l principáu pasara a la so fía, prefiriendo ella mesma asumir el gobiernu. Intentó aliase a Zengi de Mosul, ufiertando a Constanza en boda a un príncipe musulmán, pero'l plan foi albortáu pol so padre Balduino II de Xerusalén, que la exilió d'Antioquía. En 1135 Alicia intentó nuevamente tomar el control del principáu, y agora pretendía casar a la so fía con Manuel I Comneno, l'herederu del tronu del Imperiu bizantín.

Fulco de Xerusalén espulsar una vegada más y restableció na rexencia a Constanza. En 1136, siendo una neña Constanza casóse con Raimundo de Poitiers, que los partidarios nobles de la rexencia convocaren secretamente d'Europa. Alicia foi engañada, pensando qu'ésti venía casase consigo y, humildada, abandonó definitivamente Antioquía cuando se celebró la boda. D'esta unión nacieron:

• Bohemundo III d'Antioquía (1144-1201), el so socesor nel principáu.
• Balduino (m. 1176)
• María d'Antioquía (1145-1182), casada en 1161 col emperador bizantín Manuel I Comneno col nome de Xena.
• Felipa d'Antioquía (1148-1178), casada con Onfroy II de Toron.

En 1149, Raimundo morrió na batalla de Inab y Constanza casóse en segundes nupcias en 1153 con Reinaldo de Châtillon, que tamién se fixo príncipe d'Antioquía. D'esti matrimoniu nació:

• Inés de Châtillon (1154-1184), casada col rei Bela III d'Hungría.

Reinaldo foi prindáu en 1160 y pasó los siguientes dieciséis años nuna prisión n'Alepu. Empecipióse entós una disputa ente Constanza y el so fíu Bohemundo cuando esti intentó tomar el poder del principáu. Producióse una revuelta y tamién Constanza foi exiliada de la ciudá, morriendo en 1163.