Albania

Albania Republika e Shqipërisë
estáu soberanu
Bandera d'Albania escudu d'Albania
Lema nacional	Ti Shqipëri më jep nderë,më jep emrin Shqiptar (albanés: «Tu, Albania dame honra, dame'l nome Albanés»)¹
Himnu nacional	Hymni i Flamurit
Alministración
Nome oficial	Republika e Shqipërisë (sq)
Capital	Tirana
Forma de gobiernu	parllamentarismu
Presidente d'Albania	Bajram Begaj (dende 24 xunetu 2022)
Primer Ministru d'Albania	Edi Rama
Llingües oficiales	albanés
División	ver Condáu de Berat, condado de Dibër (es) , Condáu de Durrës, condado de Elbasan (es) , Condado de Fier (es) , Condado de Gjirokastër (es) , Condado de Korçë (es) , Condado de Kukës (es) , Condado de Lezhë (es) , Condado de Shkodër (es) , Condáu de Tirana y Condado de Vlorë (es)
Rellaciones diplomátiques	ver Estaos Xuníos Alemaña Italia Francia Afganistán Ucraína (13 xineru 1993) Estáu de Palestina Kosovu Reinu Xuníu Croacia Xeorxa (8 xunetu 1993) Dinamarca Turquía Países Baxos Paquistán Taiwán Serbia Rusia Xapón Grecia República Popular China Corea del Norte (29 payares 1948) Hungría Australia Austria
Miembru de	ver Organización de les Naciones Xuníes (14 avientu 1955) Organización del Tratáu del Atlánticu Norte (1 abril 2009) Organización Mundial del Comerciu Conseyu d'Europa Cooperación Económica del Mar Negru Organización pa la Seguridá y la Cooperación n'Europa (19 xunu 1991) Organización pa la Cooperación Islámica (1992)[1] Bancu Internacional de Reconstrucción y Fomentu (15 ochobre 1991) Asociación Internacional de Fomentu (15 ochobre 1991) Corporación Financiera Internacional (15 ochobre 1991) Organismu Multillateral de Garantía d'Inversiones (15 ochobre 1991) Centru Internacional d'Arreglu de Diferencies Relatives a Inversiones (14 payares 1991) Eurocontrol (2002) Pactu de Varsovia (4 xunu 1955) COMECON (23 febreru 1949) Interpol (4 payares 1991)[2] Organización pa la Prohibición d'Armes Químiques (29 abril 1997)[3] UNESCO (16 ochobre 1958)[4] Xunión Postal Universal (1 marzu 1922)[5] Xunión Internacional de Telecomunicaciones (2 xunu 1922)[6] Organización Internacional de la Francofonía (1999) Organización Meteorolóxica Mundial (29 xunetu 1957)[7] Organización Mundial de la Salú [8] Organización Mundial d'Aduanes (31 agostu 1992)[9]
Xeografía
Coordenaes	41°N 20°E / 41°N 20°E / 41; 20
Superficie	28748 km²
% agua	4,7%
Costes	362 km
Llenda con	720 km
Puntu más altu	Monte Korab
Puntu más baxu	Mar Adriáticu
Demografía
Población	2 811 655 hab. (2023)
Densidá	97,8 hab/km²
Xentiliciu	albanu[10] albana[11]
Esperanza de vida	78,345 años
IDH	0,796 (2021)
Tasa de fertilidá	1,784 (2014)
Economía
Moneda	lek albanu
PIB nominal	17 930 565 119 $ (2021)
Bancu central	Bancu d'Albania
Más información
Dominiu d'Internet	.al
Códigu telefónicu	+355
Códigu ISO	008 / ALB / AL
Estaya horaria	UTC+01:00, Hora central europea, UTC+02:00 y Europa/Tirana (es)
kryeministria.al…

Albania^[12] (n'albanés Shqipëri, país del aigla) ye una república del oeste de la península de los Balcanes, abierta al Mar Adriáticu y al Mar Xónicu.

Albania llenda al norte con Montenegru, al noreste con Serbia, al este cola República de Macedonia y al sur con Grecia.

Nun territoriu de 28.747 km², compuestu mayormente de montes y viesques, viven alredor de 3,5 millones d'habitantes. Les principales ciudaes son la capital, Tirana con 300.000 habitantes, Durrës, Elbasan y Shkodër, con 100.000 habitantes caúna, Vlorë (90.000 hab.) y Korçë (80.000 hab.).

Albania ye un país enforma montesu (70 % del territoriu). El picu cimeru, el monte Korab, tien un altor de 2.753 m penriba'l nivel de la mar.

El restu de la superficie ta compuestu por valles estrenchos y llanures aluviales, escasamente aprovechables pa l'agricultura al alternar les inundaciones coles époques de seca. Les tierres más fértiles son les de la vera de los llagos (Ohrid, Prespa Mayor y Prespa Menor) y les de delles mesetes intermediaries ente'l llanu y el monte.

El ríu mas importante ye'l Drini. Con un llargor de 282 km, ye ún de los pocos con un caudal estable tol añu. Los otros ríos, hasta dalgunos como'l Semani o'l Vjosa de más de 160 km, tán cásique secos dafechu pel branu.

Albania dispón de 450 km de costa ente'l mar Xónicu y el mar Adriáticu.

Na marina, el clima ye mediterraneu, con una temperatura media añal de 16° (7° pel iviernu). D'otra banda, nel interior domina un clima continental, con una media de 10° y contrastes bruscos de temperatura a lo llargo l'añu.

Los principales recursos naturales son el petroleu, el gas natural, el carbón, el cromo, el cobre, la madera, el níquel y la fuercia hidroeléctrica.

Los albaneses son descendientes de los ilirios, pueblu de fala indoeuropea que vivía na Europa central y emigró al sur alredor del añu 1000 e.C.. Ún d'esos grupos d'ilirios, los ghegs, asentáronse nel norte de l'actual Albania; otru, los tosks, asentáronse nel sur, aú vivieron amestaos con colonizadores griegos. Más llueu, dende'l sieglu I, el territoriu formó la provincia romana d'Iliria, que pasó a depender alministrativa del Imperiu Romanu d'Oriente dempués de 395.

Les invasiones turques entamaron nel sieglu XIV y siguieron nel siguiente. Magar que les milicies dirixíes pol héroe nacional Gjergj Kastrioti Skenderbeg consiguió resistise a l'anexión al Imperiu otomanu, esta fízose efectiva cuando elli morrió, en 1468.

En 1912 el país algamó la so independencia, y entró na Sociedá de Naciones en 1920. Ente 1925-28 tuvo un sistema de gobiernu republicanu, pero dempués convirtióse nuna monarquía. Ente 1928 y 1948 Albania foi una monarquía, na que reinaron Zog I d'Albania (1928-1939) y, demientres la ocupación italiana na Segunda Guerra Mundial, Vitor Manuel III de Saboya (1939-1943). Tres la Segunda Guerra Mundial, los comunistes, dirixíos por Enver Hoxha tomaron el poder. Ente 1944 y 1990, cinco años dempués de que morriera Hoxha, Albania conoció una dictadura d'inspiración estalinista. Les sucesives rotures del réxime cola Yugoslavia de Tito (1948), la XRSS (1961) y China (1978) llevaron al país a una política d'aislamientu total y d'autarquía. Les consecuencies d'esta política fueron el retrasu teunolóxicu y económicu, amás d'una terrible represión.

Dende 1990 los problemes económicos provocaron disturbios y manifestaciones, que ficieron cayer al gobiernu. En 1992 elixióse un gobiernu non comunista, y el país salió del so aisllamientu. De magar Albania conoz una evolución hacia la democracia, pero ha de facer frente a problemes económicos, al crime organizáu y a la llegada masiva de refuxaos de Kosovu (Serbia). En 2009 convirtióse en miembru de la OTAN, y lleva yá dellos años tentando por convertise nun miembru de la Xunión Europea.

Dende 1990, Albania ye una democracia parllamentaria.

El xefe d'estáu ye'l Presidente de la República, elixíu por 5 años per aciu de sufraxu indireutu pola Kuvendi (Xunta). El Presidente de la república noma al Primer Ministru y al gobiernu (17 ministros y 9 secretarios d'Estáu) y somételos a l'aprobación de la Kuvendi.

La Kuvendi e Shqipërisë (Xunta d'Albania), conocida na dómina comunista como Kuvendi Popullor (Xunta del pueblu) ye un parllamentu monocameral, con competencies en materia de política interior, esterior y pa modificar la constitución.

La mayoría de la Kuvendi renuévase cada cuatro años y compónse de 100 diputaos elixíos por mayoría absoluta, a los que s'amiesten otros 40 escoyíos proporcionalmente polos partíos.

Los principales partíos políticos albaneses son:

• Partíu Socialista d'Albania (Partia Socialiste e Shqipërisë, PSSH), fundáu en 1991 y miembru de la Internacional Socialista. Dirixíu pol actual primer ministru Fatos Nano, gobierna'l país dende 1997. Nes eleiciones de 2001, recibió'l 41,5% de los votos (52,8% en 1997) y cuenta con 73 diputaos na Kuvendi.
• Partíu Democráticu d'Albania (Partia Demokratike e Shqipërisë, PDSH), de tipu conservador. Ye'l principal partíu de la oposición dende 1997. En 2001, col 36,8% de los votos algamó 46 diputaos (35 en 1997)
• Partíu Democráticu (Partia Demokrate): 5,1% de los votos y 6 diputaos.
• Partíu Social-demócrata (Partia Social-Demokrate, PSD): aliáu al PSSH de Fatos Nano. En 2001 obtuvo'l 3,6% de los votos y 4 diputaos.

Albania ta dividida en condaos en base a la constitución de 1998.^[13][14] Los 12 condaos sustituyeron a los antiguos distritos. Los condaos tan dixebraos en 61 conceyos.^[15]

Escudu	Condáu	Conceyos	Superficie (km²)	Situación	Población (2016)[16]
	Berat	Berat, Kuçovë, Poliçan, Skrapar, Ura Vajgurore	1,798		139,815
	Dibër	Bulqizë, Dibër, Klos, Mat	2,586		134,153
	Durrës	Durrës, Krujë, Shijak	766		278,775
	Elbasan	Belsh, Cërrik, Elbasan, Gramsh, Librazhd, Peqin, Prrenjas	3,199		298,913
	Fier	Divjakë, Fier, Lushnjë, Mallakastër, Patos, Roskovec	1,890		312,448
	Gjirokastër	Dropull, Gjirokastër, Këlcyrë, Libohovë, Memaliaj, Përmet, Tepelenë	2,884		70,331
	Korçë	Devoll, Kolonjë, Korçë, Maliq, Pogradec, Pustec	3,711		221,706
	Kukës	Has, Kukës, Tropojë	2,374		84,035
	Lezhë	Kurbin, Lezhë, Mirditë	1,620		135,613
	Shkodër	Fushë-Arrëz, Malësi e Madhe, Pukë, Shkodër, Vau i Dejës	3,562		215,483
	Tirana	Kamëz, Kavajë, Rrogozhinë, Tirana, Vorë	1,652		811,649
	Vlorë	Delvinë, Finiq, Himarë, Konispol, Sarandë, Selenicë, Vlorë	2,706		183,105

Según los datos oficiales, engañosos nun país con un gran porcentaxe d'economía sumida, el PIB del país ye (2007) de de 10.456 millones de dólar d'Estaos Xuníos|dólares, con una renta per cápita de 3.290 dólares. El 22,8% del PIB correspuénde-y al sector primariu, el 21,5% al secundariu y el 55,7% al terciariu. La población económicamente activa (2006) yera'l 34,6%, concretamente 1.084.000 persones, y la tasa oficial de paru yera del 13,8%.

El presupuestu estatal ta enforma desequilibráu, una y bones la economía sumida fai que los ingresos por impuestos nun seyan a equilibrar un presupuestu que tien cuasi un 80% de gastu corriente. El serviciu de la deuda esterna, que yera de 1.588 millones de dólares en 2006, consumía'l 12,2% del presupuestu del país.

El sector primariu ocupa al 58% de la población. Ente los cultivos del país destaquen, pola so importancia económica, l'alfalfa pa cebera del ganáu (2.962.000 tonelaes en 2006), el maíz (245.400 t) y el trigu (230.900 t). No que cinca a la ganadería, l'añu citáu había rexistraes nel país 1.830.000 oveyes, 940.000 cabra|cabres y 634.000 reses.

El país tien d'importar tamién parte de les fontes d'enerxía. Ye autosuficiente en gas natural, pero tien d'importar petroleu y lletricidá, que representen el 16,7% de les importaciones del país. La so balanza comercial ye perdeficitaria: importa maquinaria, alimentos, materiales de construcción, testiles... Les sos esportaciones nun tán mui diversificaes, una y bones el 48,4% de les mismes correspuenden a productos testiles y zapatos. Los principales socios comerciales del país son: Italia, del que vienen el 27,1% de les importaciones y al que van el 68,1% de les esportaciones; y Grecia, llugar d'orixe del 14,6% de les importaciones albaneses y destinu del 8,3% de les esportaciones.

Albania tenía, en 2008, una población de 3.194.000 habitantes; un 49,82% d'ellos yeren varones y un 50,18% femes. Tocántenes a la distribución por edá, en 2005 había un 26,9% de neños (menores de 15 años) y otru 25,3% de persones ente 15 y 29 años. La tasa de nacimientos por 1.000 habitantes (2007) yera de 10,7, y la de muertes del 4,8. La media de fíos por muyer n'edá de criar yera, en 2006, de 2,03. La esperanza de vida, nesi mesmu añu, yera de 74,8 años pa los homes y de 80,3 pa les muyeres.

No que cinca a la composición étnica del país, nel añu 2000 el 91,7% de la población yera albanesa, con un 2,3% de griegos, un 1,8% d'aromunes, un 1,8% de xitanos y un 2,4% de población d'otres etnies.

La relixón mayoritaria ye la musulmana. Un 68% de los albaneses sonlo (51% sunníes y 17% bektashis), y hai un 22% de cristianos ortodoxos y un 10% de católicos.

El 44,5% de la población (2004) vivía nun entornu urbanu. Les mayores ciudaes del país (2001) son les que vienen darréu:

• Tirana: 343.078 habitantes
• Durrës: 99.546 habitantes
• Elbasan: 87.797 habitantes
• Shkodër: 82.455 habitantes
• Vlorë: 77.691 habitantes

• Encyclopaedia Britannica Almanac 2010. Chicago, 2009.

• Wikimedia Commons acueye conteníu multimedia sobre Albania.
• Sitiu oficial del Presidente de la República (n'inglés)
• Sitiu oficial del Gobiernu albanés (n'inglés)