Reykjavík

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Reykjavík ([ˈreiːcaˌviːk], en islandés, a badía d'as fumatas) ye una ciudat islandesa, que ye a capital d'Islandia, y a capital mas septentrional d'o mundo, a 64° 04' de latitut norte, a man d'o Cerclo polar arctico: bellas semanas cada anyada nomás bi ha luz diurna cuatro oras en hibierno, y en verano no bi ha nueit.

Reykjavík Reykjavík
Localidat d'Islandia
Anvista de Reykjavík dende a Hallgrímskirkju.
Estau	Islandia
Superficie	274,50 km²
Población  • Total	6667 hab. (1901)
Altaria  • Meyana	8 m.
Codigo postal	101–155
Coordenadas	64° 8’51’’N21°56’ 6’’U
Reykjavík Reykjavík en Islandia
Reykjavík Reykjavík en Europa
Web oficial

A suya población ye de 117.898 habitants, en una superficie de 274,5 km², con una densidat de población de 429,50 hab/km². Ye a población con mayor numero d'habitants d'o país (i vive a mitad, alto u baixo, d'a población islandesa, incluyindo-ie as localidaz d'a suya aria urbana, Kópavogur y Hafnarfjörður. Ye asinas un centro politico, cultural, comercial, industrial y economico d'o país, que concentra as suyas institucions politicas, as bibliotecas, os museus, as universidatz, as oficinas centrals d'os medios de comunicación d'o país, os teatros, as orquestas, os tribunals, as instalacions esportivas, as infraestructuras de transporte aerio y maritimo y as solencas fabricas d'o país.

A ciudat ye en o mesmo lugar a on en 874 s'instaloron os primers colons noruegos conducitos por Ingólfur Arnarson, encara que a constitución d'o municipio no estió dica 1786. En o suyo centro historico bi ha l'edificio d'o Parlamento d'Islandia (de 1881), a Biblioteca Nacional d'Islandia y o Teatro Nacional d'Islandia. A Universidat d'Islandia, a Casa Nordica (obra d'Alvar Aalto) y o Museu Nacional d'Islandia se troban en un barrio aparte.

Reykjavík tien cuantas ilesias y una seu bispal, amás d'a Hallgrímskirkja, l'edificio de mayor altaria d'Islandia.