Universidat

Se creyan en l'Edat Meya europea. A primera institución d'ista mena ye a Universidat de Bolonya, que fará posteriorment de modelo ta centros educativos pareixitos. Por anyadienza s'emplega ta nombrar. en atras culturas, a centros d'amostranza y reflexión superiors, anque a suya creyación pueda estar muito anterior a la Edat Meya.

Inicialment evolucionoron dende o modelo d'as corporacions artesanals y como cuasi tot en a Edat Meya, yeran muy ligada a la Ilesia. Inicialment, s'impartiban as ditas siete artes liberals (o trívium y lo quadrívium):

• Trivium: gramatica, lochica y retorica.
• Quadrivium: aritmetica, cheometría, astronomía y musica.

d'o cual proceden os estallos actuals entre disciplinas literarias y cientificas.

Internament, una universidat gosa trestallar-se cheograficament en cuantos campus, cadaguno en un puesto diferent. Aintro de cada campus bi ha cuantas facultatz y escuelas universitarias (mayoritariament adedicatas a la docencia), y tamién laboratorios, departamentos y institutos d'investigación, que pueden compartir una serie d'infraestructuras (biblioteca, salas d'estudio, chimnasio...). En cada facultat u escuela s'imparten una u cuantas carreras universitarias.

O maximo representant d'una universidat ye o rector, que riche a universidat con l'aduya de l'equipe de vice-rectors y atros organos: chunta de gubierno, consello social, ecetra.

• Educación

• (es) Historia d'as Universidaz