Reacción acido-base

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una reacción acido-base ye una reacción quimica que ocurre entre un acido y una base.

Partindo d'o concepto d'o pH, una especie quimica ye acido cuan tien un pH < 7 y ye base cuan tien un pH > 7. Si tien pH = 7, ye neutra. Acidos y bases reaccionan fendo reaccions de trasferencia de protons:

${\displaystyle HCl+NaOH\rightarrow NaCl+H_{2}O}$

acido⁺ + base⁻ → sal + augua

Bi ha tres teorías que explanican per qué una especie quimica ye acido u base: a teoría d'Arrhenius, a teoría de Brönsted y Lowry y a teoría de Lewis.

Pa Svante Arrhenius acido ye a substancia que en disolución acuosa desprene ions ${\displaystyle H^{+}}$, ye decir, un proton. Como istos son en augua, i reaccionan amanexendo ions hidronio/oxonio (${\displaystyle H_{3}O^{+}}$)

${\displaystyle HCl+H_{2}O\rightarrow H_{3}O^{+}+Cl^{-}}$

Una base ye aquera substancia que en disolución acuosa desprene ions ${\displaystyle OH^{-}}$

${\displaystyle NaOH+H_{2}O\rightarrow Na^{+}+OH^{-}}$

Cuan un acido y una base reaccionan en proporción adecuata, os ions ${\displaystyle H_{3}O^{+}}$ lo fan con los ${\displaystyle OH^{-}}$, apareixendo augua. Os atros ions forman una sal (reacción primera)

Ista teoría tien muitas limitacions porque Arrhenius diz que l'augua nomás ye o medio d'a reacción y no creye que os ions puedan estar acidos u bases. Nomás as substancias quimicas pueden estar-ne.

Acido ye aquera especie quimica que puet ceder protons a una base y base ye aquera especie quimica que puet aceptar os protons d'un acido. Ista ye a teoría protonica.

${\displaystyle HA+B\rightarrow BH^{+}+A^{-}}$

Apareixe o concepto de "par acido/base conchugato", dos especies quimicas esferenciatas en un proton: HA/${\displaystyle A^{-}}$ y ${\displaystyle BH^{+}/B}$

Pa que una especie siga acido ha d'estar enfrentata a una base y lo contrario. Asinas bi ha especies que pueden estar acidos u bases seguntes con que s'encaren. Istas se dicen anfoteras. Por eixemplo ${\displaystyle H_{2}O}$

${\displaystyle HCl+H_{2}O\rightarrow H_{3}O^{+}+Cl^{-}}$

acido + base

${\displaystyle NaOH+H_{2}O\rightarrow Na^{+}+OH^{-}}$

base + acido

Veyemos tamién como tanto HCl como NaOH son un acido y una base fuertes respectivament. Son disociatos de tot. Pero si fuesen febles apareixería un equilibrio quimico:

Acido: ${\displaystyle CH_{3}COOH+H_{2}O\longleftrightarrow CH_{3}COO^{-}+H_{3}O^{+}}$

Base: ${\displaystyle NH_{3}+H_{2}O\longleftrightarrow NH_{4}^{+}+OH^{-}}$

Como tot equilibrio tien a suya constant:

${\displaystyle Ka={\frac {[CH_{3}COO^{-}][H_{3}O^{+}]}{[CH_{3}COOH]}}}$

${\displaystyle Kb={\frac {[NH_{4}^{+}][OH^{-}]}{[NH_{3}]}}}$

Pa ista teoría l'augua no ye o medio d'a reacción, ye a parte activa y os ions pueden estar tamién acidos u bases: ${\displaystyle NH_{4}^{+}+H_{2}O\longleftrightarrow NH_{3}+H_{3}O^{+}}$

Seguntes a teoría de Lewis as substancias que pueden ceder pars d'electrons son bases de Lewis y las que en pueden aceptar son acidos de Lewis.