Isabana

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Isabana Isàvena Isábena
Municipio d'Aragón
Paisache d'Isabana
Entidat  • País  • Provincia  • Comarca	Municipio  Aragón  Uesca Ribagorza
Capital	La Poblla de Roda[nota 1]
Partiu chudicial	Balbastro
Superficie	118,50 km²
Población  • Total  • Densidat	233 hab. (2013) 1,97 hab/km²
Altaria  • Meyana	835 m.
Distancia  • 98 km	enta Uesca
Alcalde	José Alfonso Nasarre Alamán
Codigo postal	22482
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42°18’ 10’’N 0°32’22’’E
Isabana Isabana en Aragón
Web oficial

Isabana (Isábena oficialment y en castellano, Isàvena en catalán) ye un municipio aragonés d'a provincia de Uesca situato en a comarca de Ribagorza.

A suya población ye de 233 habitants en una superficie de 118,50 km², con una densidat de población de 1,97 ha/km².

En 1964 se chuntoron os municipios de la Poblla de Roda y Roda d'Isabana. Se creyó o municipio d'Isabana, con capital en a Puebla de Roda (Decreto 4003/64, de 3 d'aviento).

En 1966 incorpora una parte de l'antigo municipio de Merlli: Esdolomada, Merlli y Nocellas; a resta de nuclios de l'antigo termin municipal de Merlli pasarían a fer parte d'o municipio de Foradada d'o Toscar (Decreto 2285/66, de 23 de chulio).

En 1970 incorpora Sant Esteve del Mall, nuclio de l'antigo termin de Caixigar (Decreto 38/70, de 21 de marzo), a o tiempo que se fusionoron Caixigar y Monesma de Benabarri ta formar Monesma y Caixigar. L'antigo municipio de Caixigar s'heba clamato dica 1920-1930 Sant Esteve del Mall, cambeo causato por un cambeo de capitalidat.

En 1977 incorpora Serradui (Decreto 2563/77, de 19 de setiembre).

A localidat d'Isabana se troba situata a 835 metros d'altaria sobre o livel d'a mar, a una distancia de 98 km d'a ciudat de Uesca, a capital d'a suya provincia.