Adchuste d'ARN

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En biolochía molecular, l'adchuste (pronunciato /aˈtʃuste/; d'o latín ad + iuxtare, «chunir (dos cosas) per os cabos»), millor conoixiu en a bibliografía cientifica con l'anglicismo Splicing, ye una modificación de l'acido ribonucleico (ARN) dimpués d'a transcripción que implica una eliminación indueita d'os introns y a connexión posterior d'os exons, proceso que produceix como resultato lo RNA mensachero (mRNA, de «messenger RNA») tipico d'os eucariotas, en aprestando-lo ta que pueda traducir-se en proteínas. En a mayoría de celulas eucariotas, l'adchuste se fa con tot una complexa maquinaria molecular, que ha lo nombre d'«adchustosoma» u «spliceosoma», que ye feita de ribonucleoproteínas nucleyars chicas (snRNP, de «small nuclear ribonucleoproteins»), anque omne tamién conoix mRNAs autoadchustativos.

• Transcripción d'acidos nucleicos.
• Traducción de proteínas.
• RNA mensacher maduro.
• Maduración d'o RNA.
• Intrón.
• Exón.
• Ribozima.

• Se veigan as imáchens de Commons sobre l'adchuste d'ARN.