Pontons

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un municipio catalán en a comarca de l'Alto Penedés; ta la comuna occitana en o departamento francés de Landas, se veiga Pontons (Landas).

Pontons
Municipio de Catalunya
Anvista de Pontons.
Entidat  • Estau  • Comunidat  • Provincia  • Comarca	Municipio  Espanya  Catalunya Barcelona Alto Penedés
Superficie	25,95 km²
Población  • Total	523 hab. (2013)
Altaria  • Meyana	584 m.
Alcalde	Josep Tutusaus i Besante
Codigo postal	08738
Chentilicio	pontonenc / pontonenca (en catalán)
Coordenadas	41°25′3″N 1°31′4″E
Pontons Pontons en Catalunya
Web oficial

Pontons ye un municipio catalán situato en la provincia de Barcelona, comarca de l'Alto Penedés y partiu chudicial de Vilafranca del Penedès.

A suya población ye de 572 habitants (2007) en una superficie de 25,95 km², con una densidat de población de 22,04 hab/km².

A localidat de Pontons ye situata a 584 metros d'altaria sobre o ran d'a mar. D'o suyo termin municipal fan parte as localidaz de Barri Rectoria, Cal Pontonet, Camp dels Ases, Can Ponç i els Sovals, Can Soler de Roset, Sapera i el Mas de la Riera, y as urbanizacions de Can Cendró, La Ponderosa, La Rimbalda y Les Fonts de Sant Bernat.

Pontons ye citato por primera vegata en documentos de 966. En 1066, fue propiedat d'o conte de Barcelona Remón Berenguer I y a suya esposa Almodis, que lo cedioron en feudo a Guillem Bernat d'Òdena. Iste cedió parte d'as tierras en 1138 a l'Orden d'o Hespital ta colaborar en a suya repoblación, venda que confirmó o rei Pero IV d'Aragón.

En 1271, castiello y tierras fueron adquiritos por o monesterio de Santes Creus.

A economía de Pontons s'alaceta en l'agricultura de secano, mas que mas de cerial y vinya.

• Castiello de Pontons, un castiello que dende o sieglo XVII se troba integrato en una masía.
• Ilesia de Santa Malena de Pontons, una ilesia d'orichen romanico y reconstruyita en o sieglo XIII. Ye protechita legalment con a suya declaración como Bien d'Intrés Cultural.
• Ilesia de Sant Chuan d'a Montanya de Pontons, una ilesia d'o sieglo XI, d'estilo romanico.
• Cal Xamanet. Ye protechita legalment con a suya declaración como Bien d'Intrés Cultural.
• Can Guixó. Ye protechita legalment con a suya declaración como Bien d'Intrés Cultural.
• Can Solé de Roset. Ye protechita legalment con a suya declaración como Bien d'Intrés Cultural.
• Els Sobals. Ye protechita legalment con a suya declaración como Bien d'Intrés Cultural.
• Mas Pontons. Ye protechita legalment con a suya declaración como Bien d'Intrés Cultural.
• Molí de Dalt de Pontons. Ye un molín protechito legalment con a suya declaración como Bien d'Intrés Cultural.
• Torre de Cal Rei. Ye protechita legalment con a suya declaración como Bien d'Intrés Cultural.

• Se veigan as imáchens de Commons sobre Pontons.
• (ca) Pachina web oficial municipal.
• (ca) Información de Pontons en a pachina web de l'Institut d'Estadística de Catalunya.