Schwiizer Armee

D Schwizer Armee isch di nationali Irichtig für Verteidigung u Sicherheit vom VBS.

D Schwizer Armee heisst uf dütsch Schweizer Armee, uf französisch Armée suisse, uf italiänisch Esercito svizzero und uf rätoromanisch Armada svizra. Im änglischä heisst si Swiss Armed Forces.

Si isch ca. 120'000 Ma starch und wird (mit Usnahm vo Füehrigs-Chreft) im Milizsyschtem betribe.

D Sturmgwehr SIG 550, 551 u 552 Commando si als Standartwaffä igfüärt. Als Back-Up-Waffä wird d Pistolä SIG SAUER P220 usgä.

Für di mechanisierte Truppä si Leopard 2 Kampfpanzer u Jagdpanzer Pirania, sowiä Schützepanzer 2000 und Eagle 93/97 igfüärt. Dr aut Schützepanzer M113 wird usgmustärät u dür ä Schützepanzer 2000 (CV90) ersetzt.

D Artilleri het M109-Panzerhaubitze KAWEST im Diänscht.

D Luftwaffä isch mit F/A-18 C/D und F-5 E/F Kampfflogzüg, Super Puma-, Cougar- u Allouette III- Helikopter u süsch Material usgrüstät.

D Schwiiz hett e langi Tradition vo der Milizarmee, wo bis is Mittelalter zrückreicht. Sit 1515, nach ere schwäre Schlachte-Niederlag, ischs Land neutral und dodermit d Armee nur no rein defensiv, so wie ganz i de Afäng vo dr Eidgenosseschaft, wo sich das Prinzip i de Freiheitskämpf bewährt hett^[1]

• Offizielli Homepage vom Eidgenössische Departämänt für Verteidigung, Bevölkerigsschutz und Schport VBS

1. ↑ U. Im Hof: Geschichte der Schweiz