Lè Partichiou
Lè Partichiou heisst e Kulturveräin vo dr Ortschaft Chermignon i dr Walliser Gmäind Crans-Montana.
D Gselschaft isch ane 1956 entstande. Er wott di tradizionelli Kultur vo Chermignon erhalte. Do drzue ghöre dr alt Dialäkt, won e lokali Form vo dr frankoprovänzaalische Sprooch isch, und au d Musig, die lokali Tracht und dr Volkstanz.
D Lüüt vom Veräin trätten i dr Gmäind bi ofizielle Fäscht uuf und machen au eigeni Aaläss. Dr Gselschaft isch bim Walliser Trachteverband drby.
Dr Veräinspresidänt Alfred Rey het anne 1996 zum vierzgjöörige Veräinsjubilèèum das vo dr Wälschwalliser Mundart, em Patois, gschribe:
Mi bo quiè lo fransè,
Pa tuèr comèin l'anglè,
Mouéin dôur quiè l'aléman,
Mio quiè lo taléen.[1]
Das häisst uf Düütsch übersetzt:
Schöner weder s Französisch,
Weniger chrumm weder s Änglisch,
Nit so hert wie s Düütsch,
Besser weder s Iteliänisch.
Literatur
[ändere | Quälltäxt bearbeite]- André Lagger: Fête cantonale des patoisants 40 ème anniversaire Lè Partichiou Chermignon, les 31 août et 1er septembre 1996. en: L'Ami du patois 94, 1996.
- Candide Borgeat, Firmin Rey: Patois de Chermignon, émission du 22 avril 1978. Radio suisse romande 1978.
Weblink
[ändere | Quälltäxt bearbeite]- Lè Partichiou uf dr Websyte vo dr Gmäind Crans-Montana
Fuessnoote
[ändere | Quälltäxt bearbeite]- ↑ Alfred Rey: Fête cantonale des patoisants 40 ème anniversaire Lè Partichiou Chermignon, les 31 août et 1er septembre 1996. In: L'Ami du patois 94, 1996.