Kleombrotos I.

De Kleombrotos I. (altgriech. Κλεόμβροτος) isch e König vo Sparta gsii usem Gschlecht vo de Agiade. Er hett vo 380 bis 371 v. Chr. gherrscht,

De Kleombrotos isch de Soo vom König Pausanias. Sini Söö sind de Agesipolis II. und de Kleomenes II.. Wo sii Vatter ane 394 v. Chr. verbannt woren isch, isch sii Brüeder Agesipolis I. König wore. Nochdem dee 380 v. Chr. ooni Söö gstorben isch, isch de Kleombrotos König wore.

Er isch im Chrieg mit em boiotische Thebe gstande, aber wenig erfolgriich. So hett er ane 378 v. Chr. bi Thebe und zwai Joor spööter am Kithairon-Pass wenig Ruum erlangt. 372 v. Chr. ischems aber glunge d Thebaner dra z hindere is Land Phokis iizfale. 371 v. Chr. isch er gege d Thebe i de Schlacht vo Leuktra gfalle. Die Niderlaag het dodezue gfüert, as Messenie wo scho langi Zitt zo Sparta ghört hett, fraichoo isch, wa för Sparta e groose Verlust bidüttet het. Die Schlacht het di spartanisch Vormachstellig biendet.

Mischa Meier: Kleombrotos. In: Der Neue Pauly (DNP). Band 6, Metzler, Stuttgart 1999, ISBN 3-476-01476-2, Sp. 577.