Harper Lee

D Harper Lee, bürgerlig Nelle Lee (* 28. April 1926 z Monroeville, Alabama; † 19. Februar 2016 z Monroeville^[1]), isch en amerikanischi Schriftstellere und Pulitzer-Briisdräägere gsi. Bis zum Juli 2015 het si nume en äinzigs Buech veröffentligt, To Kill a Mockingbird, dütsch Wer die Nachtigall stört, aber vo däm si 40 Millione Exemplar verchauft worde.^[2]

D Harper Lee isch s jüngste vo vier Chinder vom Amasa Coleman Lee, eme Rächtsaawalt und Staats-Senator vo Alabama vo dr Demokratischen Bardei, und dr Frances Cunningham Lee, geboreni Finch. Si het 1944 am Huntingdon College z Montgomery Rächtswüsseschafte afo studiere und het scho im neggste Joor uf d University of Alabama z Tuscaloosa gwäggslet. Noch eme Summerkurs 1948 im änglische Oxford über „Die öiropäischi Zivilisazioon im 20. Joorhundert“ het si sich uf d Litratuur afo konzentriere. 1949 het si iir Studium abbroche und isch uf Nöi York go lääbe. 1960 isch To Kill a Mockingbird (dütsch Wer die Nachtigall stört) uusecho und het im Joor druf dr Pulitzer-Briis bechoo. 1962 isch er vom Robert Mulligan mit em Gregory Peck in dr Rolle vom Atticus Finch verfilmt worde. Für e Peck het s en Oscar gee, dr Film het im ganze drei Oscar bechoo. In deene Joor het d Lee iirem Fründ Truman Capote ghulfe, für e Roman In Cold Blood (dütsch Kaltblütig) z röscherschiere. 2015 isch iire zwäit Roman Go Set a Watchman uusechoo.

• To Kill a Mockingbird, dütsch Wer die Nachtigall stört (Lippincott, 1960).
• Love In Other Words (Memento vom 9. Oktober 2006 im Internet Archive) (in Vogue, 15. April 1961, S. 64–65).
• Christmas To Me (Memento vom 7. Septämber 2006 im Internet Archive) (in McCall’s, Dezember 1961).
• When Children Discover America (Memento vom 24. Oktober 2006 im Internet Archive) (in McCall’s, August 1965)
• Romance and High Adventure (Memento vom 24. Oktober 2006 im Internet Archive) (in Clearings in the Thicket, Mercer University Press, 1985).
• Go Set A Watchman, William Heinemann, London 2015, ISBN 978-1-7851-5028-9
  • dt. vom Klaus Timmermann und Ulrike Wasel: Gehe hin, stelle einen Wächter, Deutsche Verlagsanstalt, Münche 2015, ISBN 978-3-421-04719-9.

• Roy Newquist (Hrsg.): Counterpoint. Rand McNally, Chicago 1964.
• William T. Going: Truman Capote. Harper Lee’s Fictional Portrait of the Artist as an Alabama Child. In: Alabama Review. 42 (1989), S. 136–149.
• Mark Childress: Looking for Harper Lee. In: Southern Living. Usgoob Mai 1997, S. 148–150.
• Charles J. Shields: Mockingbird – A Portrait of Harper Lee. Holt, Nöi York 2006, ISBN 0-8050-7919-X.
• Alexandra Lavizzari: Glanz und Schatten. Truman Capote und Harper Lee – eine Freundschaft. Edition Ebersbach, Berlin 2009, ISBN 978-3-938740-90-3.
• Marja Mills: The mockingbird next door: life with Harper Lee. Penguin Press, Nöi York 2014, ISBN 978-1-594-20519-4.

 Commons: Harper Lee – Sammlig vo Multimediadateie

• Thomas Mallon: Big Bird. A biography of the novelist Harper Lee. In: New Yorker. 29. Mai 2006 (englisch)

1. ↑ Harper Lee, author of ‘To Kill a Mockingbird,’ dies at age 89. In: Fox31 Denver. 19. Februar 2016.
2. ↑ Ann Hellmuth: Walking in Harper Lee’s shoes. Archiviert vom Original am 15. September 2010; abgruefen am 12. Juni 2017. . In: Orlando Sentinel. 11. Juni 2006 (änglisch, „Thirty million copies of To Kill a Mockingbird have been sold since that coming-of-age novel, about a Southern lawyer who believed that no man should be denied justice because of the color of his skin, was first published in 1960 to critical acclaim.“).

Dä Artikel basiert uff ere fräie Übersetzig vum Artikel „Harper_Lee“ vu de dütsche Wikipedia. E Liste vu de Autore un Versione isch do z finde.