Engadin Skimarathon
De Engadin Skimarathon isch mit Abstand di gröschti Langlaufverastaltig i de Schwiz und werd jewils am zwote Sunntig vom März im Oberengadin mit öpe 11'000 bis 13'000 Läuferinne und Läufer dore gfüert. För de 47. Engadin Skimarathon, am 8. März 2015, händ sich 13'331 Tailnehmer aagmäldet. Das isch dozmol s drittbeschti Mäldeergebnis i de Gschicht vom Marathon gsi.[1]
Am 11. März 2018 isch de 50. Engadin Skimarathon duregfüert wore, wo mit 14'200 Aamäldige us 76 Länder de bishärig Rekord proche hät. Scho am Sunntig vorethär isch mit 1'100 Läuferinne am 19. Engadin Frauenlauf en Rekord erraicht wore. Da Frauelauf isch 17 km lang und goht vo Samaade uf S-chanf. Am Donnschtig, bim zwote Engadin Nachtlauf, wo au 17 km lang isch, aber vo Sils öber St. Moritz und dor de Staazerwald uf Pontresina goht, sind 810 Tailnehmer under em Engadiner Sternehimmel glaufe – au me as s letschtmol.[2]
Strecki
[ändere | Quälltäxt bearbeite]D Längi vom Ränne, wo im freie Stil ustreit werd, isch rund 42 Kilometer. De Streckerekord isch im Johr 1994 bi de Manne vom Hervé Balland mit 1 Stund 16 Minute und 10 Sekunde, und bi de Fraue vo de Silvia Honegger mit 1 Stund 22 Minute und 8 Sekunde im gliiche Johr ufgstellt worde. Dor d Verlegig vom Ziil vo Zuoz noch S-chanf im Johr 1998 und ere neue Streckefüerig im Stazerwald bi Pontresina im Johr 2004 händ sich Zyte vo de schnällste Läufer bim Marathon erhöht.
De Start isch bi Maloja uf ere Höchi vo 1'797 m ü. M. Wänn d Seeä im Oberengadin nöd gfroore sind, dänn werd de Start uf Sankt Moritz Bad verschobe oder de Marathon werd abgseit, wie im Johr 1991. D Strecki goht zerscht über de Silsersee und de Silvaplanersee. Noch St. Moritz Bad häts dor de Stazerwald e chlinni Stiigig und nochhär wider e Gfäll i Richtig Pontresina, wo för vili Läufer e Gfoor för en möglicha Sturz isch. Noch de Talstazion vo de Bahn uf Muottas Muragl verlauft d Strecki em Flughafe vo Samade und em Inn entlang über La Punt Chamues-ch und Zuoz bis noch S-chanf, wo s Ziil im Gebiet «Vuorcha» uf ere Höchi vo knapp 1'670 m isch. Nöd wit vom Ziilgländ isch 1998 d Haltestell «S-chanf Marathon» vo de Rhätische Bahn bout worde.
Siigerliste
[ändere | Quälltäxt bearbeite]Vom erstemol im Johr 1969, wos e Rangliste bim Marathon git, bis is Johr 1980 händ bi de Manne immer Schwizer gwunne.
Di Erst-Platzierte vo de letschte Johr:
| Siigerlischte | ||||
|---|---|---|---|---|
| Johr | Manne - Aazahl vo Siig - | Zyt | Fraue - Aazahl vo Siig - | Zyt |
| 2022 | Roman Furger (SUI) - 4 - | 1:35:59 h | Nadja Kälin (SUI) | 1:46:31 h |
| 2021 | De Marathon isch wider wäg de Corona-Pandemii abgsait wore.[3] | |||
| 2020 | De Marathon isch as Vorsichtsmassnahm im Zämmehang mit de Coronavirus-Epidemii abgsait wore.[4] | |||
| 2019 | Dario Cologna (SUI) - 4 - | 1:22:23 h | Nathalie von Siebenthal (SUI) | 1:30.41 h |
| 2018 | Roman Furger (SUI) - 3 - | 1:34:05 h | Nadine Fähndrich (SUI) | 1:38:35 h |
| 2017 | Dario Cologna (SUI) - 3 - | 1:27:46 h | Mari Eide (NOR) | 1:34:18 h |
| 2016 | Roman Furger (SUI) - 2 - | 1:48:08 h | Anouk Faivre Picon (FRA) - 3 - | 1:54:07 h |
| 2015 | Ilja Tschernoussow (RUS) | 1:34:50 h | Anouk Faivre Picon (FRA) - 2 - | 1:38:35 h |
| 2014 | Anders Gløersen (NOR) | 1:35:05 h | Riitta-Liisa Roponen (FIN) - 2 - | 1:38:39 h |
| 2013 | Pierre Guedon (FRA) | 1:28:19 h | Riitta-Liisa Roponen (FIN) | 1:29:52 h |
| 2012 | Roman Furger (SUI) | 1:31:21 h | Anouk Faivre Picon (FRA) | 1:36:28 h |
| 2011 | Remo Fischer (SUI) | 1:39:51 h | Antonella Confortola Wyatt (ITA) | 1:48:00 h |
| 2010 | Dario Cologna (SUI) - 2 - | 1:36:58 h | Susanne Nyström (SWE) | 1:43:02 h |
| 2009 | Fabio Santus (ITA) | 1:38:37 h | Seraina Mischol (SUI) | 1:43:32 h |
| 2008 | Tor Arne Hetland (NOR) - 2 - | 1:24:30 h | Katrin Zeller (GER) | 1:33:27 h |
| 2007 | Dario Cologna (SUI) | 1:43:44 h | Laurence Rochat (SUI) | 1:50:33 h |
| 2006 | Mikhail Botwinov (AUT) - 2 - | 1:55:51 h | Natascia Leonardi Cortesi (SUI) - 3 - | 2:01:22 h |
| 2005 | Gion Andrea Bundi (SUI) | 1:34:01 h | Natascia Leonardi Cortesi (SUI) - 2 - | 1:40:19 h |
| 2004 | Christophe Perrilat (FRA) | 1:32:40 h | Julija Tschepalowa (RUS) - 2 - | 1:37:53 h |
| 2003 | Patrik Mächler (SUI) | 1:28:00 h | Natascia Leonardi Cortesi (SUI) | 1:32:21 h |
| 2002 | Juan Jesús Gutiérrez (ESP) | 1:30:10 h | Brigitte Albrecht (SUI) - 3 - | 1:34:48 h |
| 2001 | Peter Schlickenrieder (GER) | 1:24:22 h | Brigitte Albrecht (SUI) - 2 - | 1:29:19 h |
| 2000 | Gerhard Urain (AUT) | 1:25:29 h | Julija Tschepalowa (RUS) | 1:28:19 h |
Weblink
[ändere | Quälltäxt bearbeite]
Commons: Engadin Skimarathon – Sammlig vo Multimediadateie- Engadin Skimarathon offizielli Internetsiite
- Streckeplan vo de Wettkampfsite
Fuessnoote
[ändere | Quälltäxt bearbeite]- ↑ Die besten Bilder des Engadin Skimarathons (Memento vom 19. April 2019 im Internet Archive) uf luzernerzeitung.ch vom 9. März 2015
- ↑ Eine Engadin Marathonwoche der Rekorde (Memento vom 4. März 2020 im Internet Archive) uf engadin-skimarathon.ch publiziert am 11. März 2018
- ↑ Engadiner Skimarathon auch 2021 abgesagt Artikel uf srf.ch vom 6. Januar 2021
- ↑ Wegen Coronavirus: Skimarathon abgesagt Artikel uf srf.ch vom 27. Februar 2020