Autobahn

E Autobahn isch e Färnverchehrsschtrass, wo uusschlüslich äm Schnellverchehr mit Chraftfahrzüge tuet diene. Si beschtaht us zwei Richtigsfahrbahne mit (in Dütschland syt einigi Jahrzähnt) jewiils mindeschtäns zwei Fahrschtreife, meischtens mitem zuesätzliche Syteschtreife, wo au Schtandschtreife oder Panneschtraife heisst.

Im Gägesatz zue andere Strassetype sind Autobahne immer höhefrej.

Alli einzelne Autibahne zsämme bilden ä Schtroossenetz, wo über Ländergränze äwäg goht. Ä bsundrig dichts Netz bilde Autibahne in Europa, Nordamerika und in ä baar asiatische Länder. Uf Kontinänt wie Afrika, Auschtralie und Südamerika si Autibahnabschnitt nume im Iizugsgebiet vo Groossschtedt z finde. Ä flächemässigi Erschliessig git s nit. Gründ für das si der Mangel an finanzielle Middel und dass dr motorisiert Verkehr in ländliger Gegende chlii isch.

In de meischte europäische Länder bilde d Autibahne än eigeni Schtroossegattig, in ä baar (zum Bischpil Schwede) werde si zu de andere Färnschdroosse wie d Europaschdroosse zelt. Autibahne si in alle europäische Schdaate usser Eschtland, Island, Lettland, Malta, Moldawie, Montenegro und de Zwärgschdaate vorhande. Si wärde fascht immer gränzüberschritend wiitergfüehrt und überchömme d Kennzeichnig vo Europaschdroosse.

In Europa wärde schdändig neui Autibahne baut odr die wo s scho git breiter gmacht. Vo 1994 bis 2004 isch s Autibahnnetz in de neue EU-Mitgliidschdaate um 1000 km, in de alte Mitgliidschdaate sogar um 12.000 km gwachse.^[1]

• 
  grade Audobah
• 
  Audobahdreiegg
• 
  Audobahbauschdell

Am 24. März 2017 hed dr Dütsche Bundestag (in ere namentliche Abstimmig) bschlosse, dass für d Nutzig vu dr Dütschen Autobahn Geld zahlt werre söll.^[2] Däm Bundesgsetz hät de Bundesrat am 31. März 2017 zuegstimmt.

D USA si vom enä Autibahnnetz (em so genannte Interstate Highways) überzoge, wo für d Grössi vom Land sehr dicht isch und zum Deil dütlig groosszügiger angleit isch as z Europa. Währed d Überlandautibahne weniger usglaschtet si, liide d Autibahne in de Balligsrüüm unter schdarkem Verkehr. Dr Schdroossequerschnitt wird wäge däm sehr breit gmacht (bis zu nüün Fahrschdreife in beide Richdige) und mit groosszügige Aschlussschdelle und Autibahnchrüz agleit.

Im Oschde vo Kanada, vor allem Ontario und Québec, isch s Autibahnnetz ähnlig guet usbaut wie in de Vereinigte Schdaate. Usser em Trans-Canada-Highway, wo vom Schdaat unterhalte wird, ghört dr übrig Schdroossebau zu de einzelne Provinze. Dr Trans-Canada-Highway isch in Balluisrüümen und dichter besiedelete Gebiet noch nit überall mehrschdreifig usbaut.

In Mexiko si die wichtigschde Schdedt mit Autibahne verbunde.

Dr Schdandard vo de Autibahnnetz z Japan und z Südkorea isch hoch. Au vili vo de Schdaate vo Oscht- und Südoschtasie, wo sich rasch entwicklet hai in de letschte Johr, baue ihri Autibahnnetze mit groosser Gschwindigkeit us. Bsundrigs China het mit emä grooss agleite Usbauprogramm s dütsche Autibahnnetz in dr Längi überholt.

Ähnlig wie s Europaschdroossenetz wärde au im asiatische Ruum einzelschdaatligi Autibahne zum enä Gsamtnetz verbunde. Das Brojäkt het dr Name Asian Highway Project.

 Commons: Autibahn – Sammlig vo Multimediadateie

• Autostross (autobahnähnlichi Schnellstross)
• Schwizer Autobahne

1. ↑ Europäische Umweltagentur (Hrsg.): EEA Briefing 3/2004 - Verkehr und Umwelt in Europa Archivlink (Memento vom 31. Juli 2007 im Internet Archive). Kopenhagen 2004
2. ↑ Drucksache 18/11237 Drucksache 18/11536 Drucksache 18/11646 Drucksache 18/11667. Abgrüeft am 31. März 2017.

Dä Artikel basiert uff ere fräie Übersetzig vum Artikel „Autobahn“ vu de dütsche Wikipedia. E Liste vu de Autore un Versione isch do z finde.