Ootemdrakt

As Ootemdrakt oder Ootmigsapparat (Apparatus respiratorius) wird s ganze System vo de Organ bezäichnet, wo für s Schnuufe zueständig si. Mä underschäidet drbii d Organ, wo d Luft läite oder Ootemwääg und d Lunge, wo dr Gaasusdusch stattfindet.

Zum Ootmigsapparat ghööre

• d Nase
• dr Rache
• d Gurgle
• d Luftrööre
• dr lingg und dr rächt Luftröörehauptast oder Stammbronchus (Bronchus principalis)
• d Bronchie
• d Bronchiole
• d Lungeblööterli (d Alveole)

S Bronchialsüsteem het insofärn e Sonderstellig, as es dr Flechi nooch zwar dr grösst Däil vo de luftläitende Wääg usmacht, aber – mit Usnaam vo de Hauptbronchie – as „Bronchialbaum“ in de Lunge iibettet isch. D Hoolorgan, wo in dr Alveolarruum läite, häi drei Ufgoobe: si filtere Partikel as Niiderschlag, si werme d Ootemluft uf und si mache dr Schnuuf füecht.

S Luftwolume, wo sich in de Ootemwääg befindet, wird au as Dootruum innerhalb vom Gsamtwolume vom Iischnuugfe und Uschnuufe bezäichnet, wil s erst dur d Beweegige vo dr Luft, wo sä vermischt und ufwirblet, au bim Gaasusdusch in de Lungeblööterli e Rolle spiilt.

 Commons: Ootemtrakt – Sammlig vo Multimediadateie

Dä Artikel basiert uff ere fräie Übersetzig vum Artikel „Atemtrakt“ vu de dütsche Wikipedia. E Liste vu de Autore un Versione isch do z finde.