Roeispaan
'n Roeispaan is 'n instrument wat gebruik word om 'n vaartuig (soos 'n kano, kajak of vlot) deur water voort te beweeg. Die aktiwiteit word roei genoem. 'n Roeispaan word van 'n roeiriem onderskei deurdat 'n roeiriem op die kant van die boot ondersteun word, terwyl 'n roeispaan geheel en al los van die boot hanteer word.
Tipe spane
[wysig | wysig bron]Daar is twee tipe roeispane:
- 'n Enkellem-roeispaan het een lem (of blad) aan die einde van die steel. Aan die teenoorgestelde kant is daar gewoonlik 'n handvatsel. 'n Enkellem-roeispaan word ook 'n pagaai[1] genoem.
- 'n Dubbellem-roeispaan het 'n lem (of blad) aan beide kante van die steel. Hierdie blaaie kan in hoek van 0 en 90 grade teenoor mekaar gedraai wees. Hoe groter die hoek, hoe minder die lugweerstand wat dit genereer. Sywinde kan dié voordeel egter in 'n nadeel omskep. Na gelang van die roeier se tipe slag en sy persoonlike voorkeur, kan die hoek ook help om die beweging van die polse te verminder.[2][3] Mens kry ook spane wat uit twee dele bestaan, waar die hoek self aangepas kan word.
-
'n Dubbelblad-roeispaan. Let hoe die blaaie 90° gedraai is om lugweerstand te verminder.
-
'n Enkelblad-roeispaan
Verwysings
[wysig | wysig bron]- ↑ HAT: Pagaai = skeproeispaan (s.nw.); gepagaai (ww.); Met 'n pagaai roei; pagaaier.
- ↑ (en) Greg Barton on Feather Angle Geargiveer 5 Junie 2015 op Wayback Machine
- ↑ (en) Feather Kayak Wiki Geargiveer 5 Maart 2016 op Wayback Machine
Eksterne skakels
[wysig | wysig bron]Wikimedia Commons het meer media in die kategorie Roeispaan.
