Paguroidea

Kluisenaarskrap; Tydperk: 136–0 m. jaar gelede PreЄ Є O S D C P T J K Pg N
	Dardanus calidus
Wetenskaplike klassifikasie
Koninkryk:	Animalia
Filum:	Arthropoda
Subfilum:	Crustacea
Klas:	Malacostraca
Orde:	Decapoda
Suborde:	Pleocyemata
Infraorde:	Anomura
Superfamilie:	Paguroidea; Latreille, 1802
Families
	Coenobitidae; Diogenidae; Paguridae; Parapaguridae; Parapylochelidae; Pylochelidae; Pylojacquesidae;

Paguroidea, (kluisenaarskrappe) is 'n superfamilie van die valskrappe. Kenmerkend van die seediere is die feit dat hulle sagte lywe het en leë skulpe gebruik vir beskerming. Die lyf pas aan by die skulp, die agterste paar bene word gebruik om die skulp vas te hou aan die binnekant. Die voorste paar bene het knypers waarvan die linkerkantse knyper vergroot is. Dit word hoofsaaklik gebruik om die skulp af te seël wanneer die krap daarin terugtrek. Slegs die tweede en derde pare bene word gebruik om mee te loop. Soos die krap groei moet dit groter skulpe kry om in te leef. Hulle kan verwoed veg indien hulle 'n aanvaarbare skulp gesien het.

Bron

The Reef Guide: Fishes, corals, nudibranchs & other invertebrates: East & South Coasts of Southern Africa, deur Dennis King & Valda Fraser, Struik Nature, 2014. ISBN 978-1-77584-018-3