[go: up one dir, main page]
More Web Proxy on the site http://driver.im/Gaan na inhoud

Salman van Saoedi-Arabië

in Wikipedia, die vrye ensiklopedie
Salman
Koning van Saoedi-Arabië
Bewind 23 Januarie 2015 - tans
Voorganger Abdoellah
Erfgenaam Moeqrin bin Abdoel Aziz (2015)
Mohammad bin Najef (2015-'17)
Mohammad bin Salman (2017-tans)
Gade Soeltana bint Toerki al-Soedairi (†2011)
Sarah bint Faisal al-Soebai'ai (geskei)
Fahda bint Falah al-Hathleen
Kinders Verskeie
Koningshuis Huis van Saoed
Gebore 31 Desember 1935 (1935-12-31) (88 jaar oud)
Riaad
Vader Abdoel Aziz al-Saoed
Moeder Hassa bint Ahmed al-Soedairi

Salman bin Abdoel Aziz al-Saoed (Arabies:سلمان بن عبد العزیز آل سعود, Salmān ibn ‘Abd al-‘Azīz Āl Su‘ūd; gebore 31 Desember 1935) is van 2015 af die koning en premier van Saoedi-Arabië.

Hy is in 2012 as kroonprins aangewys ná die dood van sy broer Najef bin Abdoel Aziz. Hy het op 23 Januarie 2015 die troon bestyg ná die dood van sy halfbroer koning Abdoellah.

Sy grootste inisiatiewe as koning sluit in die Saoediese ingryping in die Jemense Burgeroorlog, Saoediese Visie 2030 en ’n wet in 2017 wat vroue toelaat om motor te bestuur. Sy seun, kroonprins Mohammad bin Salman, word as die de facto-heerser van Saoedi-Arabië beskou en was verantwoordelik vir baie hervormings in die land, asook ’n paar omstrede dade, soos die inhegtenisneming in 2017 van lede van die Saoediese koninklike familie en die sluipmoord op die andersdenkende en joernalis Jamal Khashoggi.

Vroeë lewe

[wysig | wysig bron]
Salman as jong man.

Salman is op 31 Desember 1935 gebore as die 25ste seun van Ibn Saoed, die stigter en eerste koning van Saoedi-Arabië.[1] Hy en sy ses volbloedbroers is bekend as die Soedairi-sewe,[2][3] die seuns van Ibn Saoed se vrou Hassa bint Ahmed al-Soedairi.

Salman is in Riaad opgevoed[4] en het godsdiens en moderne wetenskap studeer.[5]

Hy is in 1954 as ondergoewerneur van Riaad aangestel toe hy 19 jaar oud was.[1] Hy is in 1963 as goewerneur van die provinsie aangestel en het dit gebly tot in 2011.[5] Onder hom het Riaad een van die rykste stede in die Midde-Ooste en ’n belangrike handelstad geword. Die infrastruktuur is ook verbeter met skole, universiteite en sportstadions.[1]

In 2011 is Salman aangestel as tweede onderpremier en minister van verdediging.[6] Op 18 Junie 2012 is hy as kroonprins aangewys ná die dood van sy broer kroonprins Najef,[7][8] asook as eerste onderpremier.[9]

Bewind

[wysig | wysig bron]
Mohammad bin Najef in Januarie 2013 (links) en Mohammad bin Salman in Mei 2017.

Op 23 Januarie 2015 het die 79-jarige Salman die troon bestyg ná die dood van sy halbroer Abdoellah. Hy het sy jonger halfbroer Moeqrin as kroonprins aangestel.[10]

Goewerneur Salman bin Abdoel Aziz en Wladimir Poetin in 2007.

Een van die eerste dinge wat koning Salman en sy seun, Mohammad, gedoen het, was om die regeringsburokrasie se stroomlyn. Van die sowat 11 regeringsekretariate het net twee oorgebly: die Raad vir Politieke en Veiligheidsake, onder onderkroonprins Mohammad bin Najef, en die Raad vir Ekonomiese en Ontwikkelingsake, onder Mohammad bin Salman, wat vrye teuels gekry het om die regering heeltemal te reorganiseer[11] en die mag van die Soedairi-faksie, tot wie albei prinse behoort, te verstewig.

Koning Salman en die destydse Amerikaanse president, Barack Obama, in 2015.

In Maart 2015 het die koning opdrag gegee vir die bombardering van Jemen en ’n militêre ingryping teen die Sjiitiese Houthi's en magte wat lojaal was aan die vorige president, Ali Abdoellah Saleh, wat in die 2011-opstand afgesit is.[12]

In 2015 het Salman sy broerskind Mohammad bin Najef as kroonprins aangestel in die plek van Salman se jongste broer, Moeqrin, en sy eie seun, Mohammad bin Salman, as onderkroonprins. Feitlik alle mag van die koning is in die hande van die twee prinse geplaas en hulle kon alle besluite oor veiligheid en ekonomiese ontwikkeling in Saoedi-Arabië neem.[13]

In 1917 het hy Mohammad bin Najef uit die troonopvolging verwyder en Mohammad bin Salman as nuwe kroonprins aangestel.[14] Terselfdertyd het hy Mohammad bin Najef uit al sy regeringsampte verwyder.[15] Mohammad bin Salman is al beskryf as die "mag agter die troon".[16]

Gesondheid

[wysig | wysig bron]

In Augustus 2010 het Salman ’n rugoperasie in Amerika ondergaan en buite die koninkryk herstel.[17] Hy het ’n beroerte gehad en ondanks fisioterapie werk sy linkerhand nie so goed soos sy regterhand nie.[18][19][20] Salman ly ook aan ligte demensie,[21] spesifiek Alzheimersiekte.[22]

Amerikaanse intelligensiebeamptes glo die koning word al verskeie jare van sy vrou, prinses Fahda bint Falah al-Hathleen, weggehou op bevel van hulle seun Mohammad.[23] Na berig word, is Mohammad bekommerd dat sy sy planne vir ’n magsgreep, wat die familie kan verdeel, teenstaan en kan probeer om haar invloed by die koning te gebruik om dit te keer. Volgens die amptenare met wie ’n onderhoud gevoer is, het die prins sy ma sonder die koning se medewete in huisarres geplaas.

Verwysings

[wysig | wysig bron]
  1. ↑ 1,0 1,1 1,2 "Profile: New Saudi Defense Minister Prince Salman bin Abdulaziz". Asharq Al-Awsat (in Engels). Geargiveer vanaf die oorspronklike op 14 Februarie 2015. Besoek op 14 Februarie 2015.
  2. ↑ "An Heir to the Kingdom: New Crown Prince Salman" (PDF). The Diplomat. 35: 8–11. Julie–Augustus 2012. Geargiveer vanaf die oorspronklike (PDF) op 24 Oktober 2013. Besoek op 9 Februarie 2013.
  3. ↑ Alexander Bligh. From Prince to King; Succession to the throne in Saudi Arabia. New York, New York University Press (1984). Arabiese uitgawe: Alexander Bligh. Min amir ila malik. Londen, D.A. Publications (1989).
  4. ↑ "His royal highness Prince Salman bin Abdulaziz". Ministry of Interior (in Engels). Geargiveer vanaf die oorspronklike op 17 April 2019. Besoek op 12 Mei 2012.
  5. ↑ 5,0 5,1 "Ministers with portfolio". Saudi Embassy, Washington DC (in Engels). Geargiveer vanaf die oorspronklike op 27 Mei 2016. Besoek op 19 Junie 2012.
  6. ↑ "Saudi Arabia names Prince Salman as new defence minister" (in Engels). BBC News. 5 November 2011. Geargiveer vanaf die oorspronklike op 9 Februarie 2020. Besoek op 26 Mei 2012.
  7. ↑ Patrick, Neil (17 Junie 2012). "Saudi Arabia: Crown Prince's death raises succession questions" (in Engels). BBC. Geargiveer vanaf die oorspronklike op 9 Februarie 2020. Besoek op 17 Junie 2012.
  8. ↑ Roberts, David (19 Junie 2012). "Saudi Succession after the Death of Crown Prince Nayef". RUSI Analysis. Geargiveer vanaf die oorspronklike op 5 Junie 2013. Besoek op 12 April 2013.
  9. ↑ McDowall, Angus (18 Junie 2012). "Saudi appoints Prince Salman as crown prince" (in Engels). Reuters. Geargiveer vanaf die oorspronklike op 4 Oktober 2015. Besoek op 18 Junie 2012.
  10. ↑ "Saudi Arabia buries its king: Thousands gather in Mecca as King Abdullah is laid to rest in Riyadh after losing battle with pneumonia". Daily Mail (in Engels). Geargiveer vanaf die oorspronklike op 25 April 2019. Besoek op 17 Februarie 2015.
  11. ↑ Mohammad bin Nayef takes leading role in Saudi Arabia Gulf News. 17 Februarie 2015. Besoek op 13 Maart 2015.
  12. ↑ "Saudi-led coalition strikes rebels in Yemen, inflaming tensions in region". CNN. 27 Maart 2015.
  13. ↑ McDowall, Angus; Aboudi, Sami; Hashem, Mostafa; El Dahan, Maha; Shamseddine, Reem; Gloystein, Henning; Mohammed, Arshad (29 April 2015). Maclean, William; Fletcher, Philippa; Graff, Peter (reds.). "Saudi king resets succession to cope with turbulent times" (in Engels). Riaad. Reuters. Geargiveer vanaf die oorspronklike op 15 Oktober 2019. Besoek op 23 April 2016.
  14. ↑ "Mohammed bin Salman named Saudi Arabia's crown prince" (in Engels). Al Jazeera. Geargiveer vanaf die oorspronklike op 17 April 2020.
  15. ↑ CNN, Nicole Chavez, Tamara Qiblawi and James Griffiths. "Saudi Arabia's king replaces nephew with son as heir to throne". CNN (in Engels). Geargiveer vanaf die oorspronklike op 9 Maart 2020. {{cite web}}: |last= has generic name (hulp)AS1-onderhoud: meer as een naam (link)
  16. ↑ Transcript: Interview with Muhammad bin Salman Geargiveer 9 Januarie 2016 op Wayback Machine The Economist, 6 Januarie 2016.
  17. ↑ "King Sulayman bin Abdulaziz undergone successful surgery, Royal Court statement says". Gulf in the Media. 17 Augustus 2010. Besoek op 26 Mei 2012.
  18. ↑ Henderson, Simon (10 April 2012). "The Man Who Would Be King". Foreign Policy (in Engels). Geargiveer vanaf die oorspronklike op 9 Oktober 2014. Besoek op 12 April 2012.
  19. ↑ Henderson, Simon (10 Januarie 2013). "To Stop Iran, Get a New Saudi King". The Atlantic (in Engels). Geargiveer vanaf die oorspronklike op 9 Februarie 2020. Besoek op 19 April 2013.
  20. ↑ Next after next… The Economist (Cairo). 5 April 2014. Besoek op 4 Augustus 2014.
  21. ↑ David Ignatius (28 Junie 2016). "A 30-year-old Saudi prince could jump-start the kingdom — or drive it off a cliff". The Washington Post. Besoek op 20 Mei 2016.
  22. ↑ Miles, Hugh (23 Oktober 2015). "A family revolt could bring down the Saudi monarchy" (in Engels). Geargiveer vanaf die oorspronklike op 23 April 2020. Besoek op 21 September 2016.
  23. ↑ "U.S. officials: Saudi crown prince has hidden his mother from his father, the king" (in Engels). Nbcnews.com. Geargiveer vanaf die oorspronklike op 23 Mei 2020. Besoek op 27 Junie 2018.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Salman_van_Saoedi-Arabië&oldid=2645694"