Nokia C1

Die Nokia C1 is 'n Android Go - begrotingslimfoon met 3G- netwerkspoed, wat op 11 Desember 2019 deur Nokia -handelsmerklisensiehouer HMD Global aangekondig is.^{[1] [2][3]}

Die slimfoon het twee, voor en agter, 5 megapieksel (MP) kameras.^[2] Die Nokia C1 het ook twee, voor en agter, flitse.^[3]

Die slimfoon het 'n 5,4 duim vertoonskerm.^[2]

Die slimfoon het sy eie 2 500 milliampere-uur (mAh) verwyderbare battery, 3,5 mm klanksok, 'n FM-radio, 16 Gigabit (GB) berging, en 'n microSD-geheuekaartgleuf.^[3]

Die Nokia C1 beskik oor 'n Android 9 Pie (Go Edition) bedryfstelsel met 1 GB RAM en Quad Core 1,3 Gigahertz (GHz) verwerker as SVE.^[2]

Die slagspreuk vir die Nokia C1 was "Level Up", soos Nokia verduidelik, is die slimfoon gebou vir puik flitsverligte selfies met die voorste kamera, om video-oproepe te ontvang en YouTube te kyk met 'n groter 5,4"-skerm.^[2]> Soos HMD Global-woordvoerder Juho Sarvikas gesê het, “Miljoene verbruikers in markte oor Afrika, die Midde-Ooste en APAC sal opgradeer van 'n kenmerkfoon na hul eerste slimfoon. Die Nokia C1 is 'n slimfoon wat hulle kan vertrou - wat kwaliteit-ervarings teen 'n bekostigbare prys met 3G-konneksie bring." ^[3]

Nokia het die opvolger van die Nokia C1-slimfoon met die naam Nokia C1 Plus in 2020 bekendgestel, wat saam met Android 11 Go Edition kom en ander opgegradeerde spesifikasies het, insluitend 'n 5,45-duim HD+ 18:9 in-sel-skerm (1520 x 720 pieksels), 'n 1,4 GHz-vierkernverwerker, 2 GB LPDDR3 RAM, 16 GB berging, MicroSD-kaart uitbreibare berging tot 128 GB, enkel-/dubbele SIM-variante, 'n 5-megapieksel-agterkamera met LED-flits, 'n 5-megapieksel-voorkamera met LED-flits, 'n 3000mAh verwyderbare battery en ondersteun 4G VoLTE, Wi-Fi 802.11 b/g/n, Bluetooth 4.2, GPS, mikro-USB en 3,5 mm-koptelefoonaansluiting-opsies. Dit meet 149,1 × 71,2 × 8,75 mm en weeg 146 gram.^[4]