Maankarretjie

Die maankarretjie (Lunar Rover) was 'n bemande landvoertuig vir gebruik op die maan. Die Apollo-maanmodule, wat deel van die Apolloruimtetuig is, is gebruik om die maankarretjie na die maan te vervoer.

Dit was gebruik om groter beweeglikheid te verleen aan ruimtevaarders gedurende die Apollo-program se J-klasmissies: Apollo 15, Apollo 16 en Apollo 17. Dié voertuig was die eerste keer gebruik op 31 Julie 1971 tydens die Apollo-15-sending en bestuur deur David Scott. Dit het grootliks bygedra tot die uitbreiding van die gebied toeganklik vir die ruimtevaarders. Vorige spanne ruimtevaarders op die maan was beperk tot kort loopafstande van die landingsterrein af, as gevolg van die dik ruimtepakke en swaar toerusting nodig om te kan oorleef in die maanomgewing. Die maankarretjie het 'n topsnelheid van 12,9 km/h. Die voertuie is op die maan agtergelaat en is dus deel van die mensgemaakte voorwerpe op die maan.

Die Sowjetunie het ook onbemande maankarretjies op die maan geland naamlik die Lunokhod 1 en Lunokhod 2.

• NASA-artikel oor Apollo se maankarretjie ((en) Apollo Lunar Rover)
• Apollo-15-maankarretjie NASA StarChild-artikel
• Maankarretjiehandleiding van Boeing (en)
• Maankarretjie, inisiatief by Carnegie-Mellonuniversiteit 'n projek wat daarop gemik is om robotte te ontwerp wat onbekende terrein kan verken en wetenskaplike eksperimente op interessante plekke kan uitvoer.
• LRD-navigasiegroep by Carnegie-Mellonuniversiteit
• http://www.apolloprojekt.de/technik/rover.php Geargiveer 20 Mei 2006 op Wayback Machine) Artikel van Das Apolloprojek
• http://perso.wanadoo.fr/alexandre.schwenck/rover.htm Geargiveer 31 Augustus 2005 op Wayback Machine