Kasjoeneut

Kasjoe; Anacardium occidentale
	Kasjoevrugte gereed om geoes te word in Kollam, Indië
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Sapindales
Familie:	Anacardiaceae
Genus:	Anacardium
Spesie:	A. occidentale
Binomiale naam
	Anacardium occidentale; L.

Die kasjoeboom (Anacardium occidentale) is 'n tropiese immergroen plant wat kasjoeneute en kasjoeappels voortbring, Dit groei tot 14 meter (46 voet) hoog, maar die dwergkasjoe, wat tot 6 meter (20 voet) hoog word, het hom as meer winsgewend bewys omdat dit vroeër volle wasdom bereik en hoër opbrengste lewer.

Die kasjoeneut dien as 'n versnapering en word in kosbereidings soos ander neute gebruik, maar dit is eintlik 'n saad. Die kasjoeappel is 'n vrug waarvan die pulp tot 'n soet vrugtedrankie verwerk of tot 'n likeur gedistilleer kan word.

Die dop van die kasjoeneut lewer opbrengste wat in baie toepassings gebruik kan word, van smeermiddels tot verf, en ander dele van die boom is tradisioneel gebruik teen slangbyte en vir ander tradisionele geneesmiddels.

Kasjoe kom oorspronklik van die noordooste van Brasilië, maar word nou wyd in tropiese gebiede verbou, met Viëtnam en Nigerië wat die grootste produsente verteenwoordig,^[1] asook in Indië, die Ivoorkus en Indonesië.

Top tien produseerders van Kasjoeneute in 2016
Land	Produksie (metrieke ton)	Opbrengs (MT/hektaar)
Viëtnam	1 221 007	0.85
Nigerië	958 860	1.97
Indië	671 000	0.66
Ivoorkus	607 300	0.44
Filippyne	216 398	4.79
Tanzanië	195 140	1.0
Brasilië	164 151	0.14
Guinee-Bissau	153 888	0.38
Indonesië	130 072	0.25
Benin	125 728	0.29
Wêreldtotaal	4 898 210	0.58
Bron: Food & Agriculture Organization^[2]