Felipe Massa

Felipe Massa
Massa by die 2014 Italiaanse Grand Prix
Geboortedatum	25 April 1981 (1981-04-25) (43 jaar oud)
Geboorteplek	São Paulo, Brasilië
Nasionaliteit	Brasilië
Aktiewe jare	2002–2017
Ou span(ne)	Sauber, Ferrari, Williams
Motornommer	19
Inskrywings	272 (269 begin)
Kampioenskappe	0
Oorwinnings	11
Podiums	41
Loopbaanpunte	1158
Voorste wegspronge	16
Vinnigste rondtes	15
Eerste F1-wedren	2002 Australiese Grand Prix
Eerste wen	2006 Turkse Grand Prix
Laaste wen	2008 Brasiliaanse Grand Prix
Laaste inskrywing	2017 Aboe Dhabi Grand Prix
Laaste seisoen	2017
Verlede jaar plek	11de (43 punte)

Felipe Massa (gebore 25 April 1981, São Paulo) is 'n Brasiliaanse afgetrede Formule Een-renjaer. Hy het van 2014 tot 2017 vir die Williamsspan gejaag^[1] nadat hy van 2006 tot 2013 deel van die Ferrarispan was.

Massa het sy F1-debuut by die 2002 Australiese Grand Prix gemaak. Sy beste seisoensprestasie was toe hy in 2008 die naaswenner was ná Lewis Hamilton. Hy was in 2006 ook die eerste Brasiliaanse renjaer sedert Ayrton Senna in 1993 wat die wedren in Brasilië kon wen.

In die middel van die 2009-seisoen het Massa 'n ernstige ongeluk in Hongarye gehad wat byna sy lewe geëis het. Hy is in die span deur Luca Badoer en Giancarlo Fisichella vervang. Ná ’n reeks toetse het Ferrari aangekondig dat Massa van 12 Oktober 2009 af weer vir hulle sou jaag.

In 2013 het Massa aanvanklik goed gevaar in die Australiese Grand Prix, maar hy het uiteindelik vierde geëindig. In Maleisië het hy vyfde geëindig, in China sesde, in Bahrein 15de ná teëspoed en in Spanje derde. In Monaco was hy in twee ongelukke betrokke weens 'n fout met sy motor, maar hy het ongedeerd daarvan afgekom.

Hy het aan die einde van die 2017-seisoen sy handskoene finaal opgehang.