Bosveldkandelaarnaboom
| Bosveldkandelaarnaboom | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Malpighiales |
| Familie: | Euphorbiaceae |
| Genus: | Euphorbia |
| Spesie: | E. cooperi
|
| Binomiale naam | |
| Euphorbia cooperi N.E.Br. ex A.Berger, (1906)
| |
Die Bosveldkandelaarnaboom (Euphorbia cooperi) is 'n boom wat tot 7 m hoog kan word, gewoonlik met 'n kaal stam van 3 m aan die onderkant. In Suid-Afrika is die spesie inheems in Gauteng, KwaZulu-Natal, Limpopo, Mpumalanga en Noordwes. Buite Suid-Afrika is dit inheems in Botswana, Eswatini, Malawi, Mosambiek, Tanzanië, Zambië en Zimbabwe.
Die boom is kandelaarvormig en lyk soos 'n sukkulent. Die giftige melksap het 'n skerp reuk, en lewer ernstige newe-effekte selfs met aanraking. Die onderste takke val elke jaar af en laat dan ronde gate teen die kaal stam.[1] Die takke, wat skynbare litte of segmente vorm, het 4 tot 6 vlerke. Die dorings word in pare op die vlerkrande gedra.
Die bome blom in die lente, wanneer talle geelgroen, tweeslagtige blomme op die vlerkrande van die laaste taksegment verskyn. Die blomme verskyn dig op mekaar, in drie rye tussen die dorings. Die groen vrugkapsule het drie kompartemente, en verkleur rooi as dit vroegsomer ryp word.[1]
Die boom se FSA-nommer is 346.[2][3]
Fotogalery
[wysig | wysig bron]-
Rangskikking van blomme
-
Blomme
-
Vrugte
Sien ook
[wysig | wysig bron]Verwysings
[wysig | wysig bron]- ↑ 1,0 1,1 Euphorbia cooperi, Joseph Khangela Baloyi en Linette Ferreira, Pretoria Nasionale Botaniese Tuin, Februarie 2005, PlantZAfrica
- ↑ https://www.treetags.co.za/national-list-of-indigenous-trees/
- ↑ Van Wyk, Piet (2008). Field guide to the TREES of the Kruger National Park. Kaapstad: Struik. p. 173. ISBN 978-1-77007-759-1.
Bronne
[wysig | wysig bron]- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
Eksterne skakels
[wysig | wysig bron]Wikimedia Commons het meer media in die kategorie Bosveldkandelaarnaboom.
Wikispecies het meer inligting verwant aan Bosveldkandelaarnaboom
