Alexander Rybak

Alexander Rybak
Alexander Rybak by Eurovision.
Agtergrondinligting
Geboortenaam	Wit-Russies: Алякса́ндр І́гаравіч Рыба́к
Gebore	13 Mei 1986 (1986-05-13) (38 jaar oud) Minsk, (Wit-Rusland)
Oorsprong	Nesodden, Akershus (Noorweë)
Genres	Pop, folk, klassiek
Beroep(e)	Sanger
Instrumente	Stem, viool, klavier
Jare aktief	1991 — hede

Alexander Rybak (Wit-Rus. Алякса́ндр І́гаравіч Рыба́к, Aljaksándr Íharavitsj Rybák, Noors Alexánder Rybák, * 13 Mei 1986 te Minsk, Sowjetunie (nou Wit-Rusland)) is 'n Noorse violis, sanger, komponis en akteur. Rybak het Noorweë op die Eurovision-kompetisie van 2009 in Moskou verteenwoordig en is met die snit "Fairytale" as wenner van die kompetisie aangewys.

Rybak het saam met die Israeliese violis Pinchas Zukerman opgetree. Hy het die kultuurpremie in Noorweë gewen en is konsertmeester van een van die grootste simfoniese jeugorkeste in Bergen. Hy het in 2007 as violis in die musiekblyspel Fiddler on the Roof in die teater van Oslo opgetree. In Augstus 2009 was hy te sien in die telefilm Yohan — Child Wanderer. Rybak se musikale rolmodelle is Sting, Beatles, en W.A. Mozart.

Rybak het die Eurovision-sangkompetisie van 2009 in Moskou met die snit "Fairytale" gewen. Die liedjie is selfgeskryf en op die basis van Russiese en Noorse volksmusiek gekomponeer en deur 'n liefdesgebeurtenis geïnspireer.

Wikimedia Commons bevat media in verband met Alexander Rybak.

• MySpace-profiel (en) (no)
• Aanhangerswebwerf (ru)

Hierdie artikel is ’n saadjie. Voel vry om Wikipedia te help deur dit uit te brei.