Nuraka nakeuh saboh teumpat nyang geusiksa ureueng-ureueng nyang hana seumatéh keu Allah, Nabi Muhammad ﷺ, ngön nabi-nabi atawa rasul Allah nyang la'én. Narit nuraka kayém geuseubôt lam Al-Qur'an, nyang lam bahsa Arab geukheun النار (an-nār).
- Hawiyah. Nuraka nyoe geupeutamöng ureueng-ureueng nyang niet amai göt, atawa ureueng-ureueng nyang kayém geupeubuet buet göt ngön hana göt yôh lam dônya. Ureueng Islam nyang hana geutôp 'aurat, ureueng agam Islam nyang geungui bajèe sutra, ureueng-ureueng nyang meu'èn riba, ban dum nyan geupeutamöng lam nuraka Hawiyah. Surat Al-Qari'ah.
- Jahim. Nuraka nyoe nakeuh teumpat geusiksa ureueng-ureueng musyrék nyang geupeusyarikat Allah. Surat Asy-Syu'ara' dan Surat Ash-Shaffat.
- Saqar. Nuraka nyoe nakeuh keu ureueng-ureueng nyang hana seumatéh keu Allah ngön rasul. Ureueng-ureueng nyan nakeuh ureueng nyang geuteupeu meunyoe Allah kalheuh neupeutrôh hukôm, tapi hana geupeubuet. Surat Al-Muddassir.
- Ladhaa. Nuraka nyoe geujôk keu ureueng-ureueng nyang geutumpôk hareuta, geureuda, atawa ureueng nyang geupeuhina ureueng gasin. Ureueng-ureueng nyang hana geumeuseudeukah atawa geubayeue jakeut, ureueng nyan geupeutamöng lam nuraka nyoe. Surat Al-Ma'arij.
- Huthamah. Nuraka nyoe geupeuseudiya keu ureueng-ureueng nyang geutamön meuh, pirak, atawa dabeuh nyang saboh jeunèh ngön nyan. Nuraka nyoe geupeuseudiya cit keu ureueng-ureueng nyang hana geubôh jakeut watèe ka trôk watèe. Surat Al-Humazah.
- Sa'ir. Nuraka nyoe geujôk keu ureueng kaphé atawa ureueng nyang geupajôh hareuta aneuk yatim. Surat Al-Ahzab, Surat An-Nisa', Surat Al-Fath & Surat Luqman.
- Wail. Nuraka nyoe geupasoe ureueng-ureueng nyang hana beutôi bak geumeudagang, geupeukureueng céng mangat meureumpök laba nyang rayek. Ban dum dabeuh nyan akan geutöt, geupasoe lam pruet ureueng nyan bak uroe kiamat. Surat At-Thur.
