Ha̍k-su̍t kî-khan

Ha̍k-su̍t kî-khan (學術期刊; academic journal) sī ū keng-kòe tông-hâng phêng-sím ê kî-khan. Khan-teng tī ha̍k-su̍t kî-khan téng-bīn ê bûn-chiuⁿ thong-siông lóng ū khan-liân tio̍h te̍k-tēng léng-he̍k ê ha̍k-būn. Ha̍k-su̍t kî-khan tû-liáu ē-tàng tián-sī gián-kiù léng-he̍k ê sêng-kó, mā ū kong-khai ê chok-iōng. Ha̍k-su̍t kî-khan lāi-bīn ê bûn-chiuⁿ lōe-iông chú-iàu sī í goân-chhòng gián-kiù, hôe-kò͘ bûn-chiuⁿ kap su-phêng téng-téng ê hêng-sek ûi-chú.