學歷

學歷（粵拼：hok6 lik6）係人喺教育機構入面，接受科學、文化知識訓練嘅學習經歷。一個人喺任何層次教育機構入面學習或接受訓練，都有相應嘅學歷等級。大體嚟講，一段學習經歷都可以成為學習者嘅「學歷」。但社會上，多數講嘅係有特定含義同價值嘅「學歷」。

喺近代社會之前，人求職時都係通過個人身份、家庭、財產同遺傳、親屬範圍內進行人力資源選拔。直到18世紀初，由於近代嘅官僚組織已經達到一定形成規模，所以從嗰時開始，現任官員都要通過考試嚟選拔。後嚟經過好多次發展，重將佢引到職業範圍，從而成為教育當中必不可少嘅一部分。

由於歐洲地區經歷咗好長時間嘅工業同社會發展，加上英國開始通過侵略方式霸佔全球，1853年由英國東印度公司董事向英國高官建議，引入呢項選拔制度向印度當地嘅公務員推廣，重喺1870年以同樣方式向各個行業嘅人力資源方面推廣，從而逐漸向全球流行。

學歷嘅等級有好多種。包括咗小學、中學^{[註 1]}、大學之分。喺大學嘅各個學分都修夠嗮兼論文都過關嘅，最高可以有博士學位嘅榮譽。學位喺全球各地都通用。

• 世界大百科事典 2004年版　第189頁　ISBN 978-4582027006
• The Human Use of Human Beings P50 ISBN 978-0306803208