加拉太書

加拉太書（希臘文：Προς Γαλάτας）係使徒保羅寫畀加拉太教會嘅一封信。保羅喺呢封信度解釋咗好多問題，亦指明咗公元一世紀早期基督教會遇倒嘅問題。

作者：保羅
日期：49年
地點：安提阿
收信人：加拉太教會

當耶穌嘅福音喺猶太人以外嘅地方傳佈而且大受歡迎嘅時候，教會裏面開始討論要成為真基督徒係唔係一定要遵守摩西律法嘅問題。保羅認為冇噉嘅必要。佢指出，喺基督裏面得生命嘅唯一可靠根基係信，由信，人能夠稱義。不過嗰時，羅馬統治下亞細亞嘅加拉太省，幾過教會裏面，有人反對保羅嘅主張，話每個人都一定要遵守摩西嘅律法先可以稱義。

保羅寫加拉太書嘅目的，係要將接受謬誤教訓嘅信徒帶返正確信仰同生活裏面。保羅先為自己有使徒嘅權柄辯護。堅持佢蒙召做使徒係出於上帝，唔係出於人嘅權柄，並且佢對非猶太人有特別嘅使命。同埋指出只有透過信，人先至能夠稱義，建立正確嘅關係。最後，保羅講明基督徒因信基督而有愛心，呢種愛心應該喺日常生活自然流露出來。

1. 序言（1章1-10節）
2. 保羅做使徒嘅特權（1章11節-2章21節）
3. 上帝恩典嘅福音（3章1節-4章31節）
4. 基督徒嘅自由同責任（5章1節-6章10節）
5. 結語（6章11-18節）