Ojibwe

ᐅᒋᑉᐧᐁ Ojibwe
歐洲人接觸之前奧志布偉語分佈嘅地區
總人口
喺美國170,742人（截至2010年 (2010-唔見咗必要嘅參數 1=月份！)[update]）[1] 喺加拿大160,000人（截至2014年 (2014-唔見咗必要嘅參數 1=月份！)[update]）[2]
分佈地區
加拿大（魁北克省、安大略省、緬尼吐巴省、沙斯卡寸旺省、亞伯達省） 美國（密芝根州、威斯康辛州、明尼蘇達州、北達哥他州、蒙大拿州）
語言
奧志布偉語、英文、法文
宗教信仰
靈醫社（Midewiwin）、天主教、循道宗
相關種族
阿西尼博因人、其他阿岡昆人 尤其係其他阿尼什那貝人，克里人同梅蒂人

維基同享有多媒體嘅嘢：
Ojibwa

Ojibwe人，又稱Ojibwa人、Chippewa人，中文音譯奧志布偉人（Ou³ zi³ bou³ wai⁵ jan⁴）、 奧吉布瓦人（Ou³ gat¹ bou³ aa⁵ jan⁴）、 奧吉布韋族（Ou³ gat¹ bou³ wai⁵ zuk⁶）、 歐及布威人（Au¹ kap⁶ bou³ wai¹ jan⁴）或者奇佩瓦人（Kei⁴ pui³ aa⁵ jan⁴）係位於加拿大南部、美國中西部北部同北美大平原嘅一支阿尼什那貝族群。奧志布偉人屬於亞北極帶地區（英文版）同東北林地文化區（英文版）。

以人口來講，奧志布偉人係大峽谷以北最大嘅美洲原住民民族之一。佢地人口總共大概係32萬人，其中170,742人喺美國，大約160,000人喺加拿大^[1][2]。喺美國嘅奧志布偉人76,760人屬於梳拖分支、77,940人屬於奧志布偉分支同8,770人屬於密西沙加分支，而且組成咗125個遊族。佢地喺加拿大同美國分別係僅次於克里人嘅加拿大第二大第一民族同埋美國原住民當中部落人口最多嘅群族之一^{[3][要更加好嘅來源]}。

奧志布偉人最以佢地嘅白桉樹皮製品、野米、楓糖、同對銅礦嘅開採同交易聞名^[4]。佢地嘅靈醫社亦都係好多人知，以佢地對於佢地喺奧志布偉社會中傳承白桉樹皮書卷同歷史、故仔、歌曲、地圖、天文學、數學等知識嘅哩個重要地位嘅勝任而出名^{[5][同來源不符]}。

奧志布偉人住嘅土地畀歐洲諸國、加拿大同埋美國殖民咗。奧志布偉人為咗換取補償、原住民保留地以及傳統權利嘅保障，同啲殖民領導人簽咗條約放棄啲土地畀啲殖民者。好多歐洲殖民者搬咗到去奧志布偉人嘅故土^[6]。

呢節要加長。

奧志布偉人喺北美洲嘅生活令到佢地發展出一套基於北美洲本土植物嘅文化。從奧志布偉人嘅飲食、衣着到祭品、醫藥，用到嘅一律都係北美洲本土植物。

奧志布偉文化當中最重要嘅四種植物係香柏、茅香、煙草同鼠尾草

以下所列係奧志布偉人對於每種唔同植物嘅應用

• Agrimonia gryposepala，用來利尿^[7]
• Pinus strobus，啲樹脂用來醫感染同壞疽
• Symphyotrichum novae-angliae，狩獵嘅時候放棵嘢啲根到煙斗度吹，吹出來啲煙可以吸引動物^[8]
• Allium tricoccum，攞來食又或者熬成湯劑做快速催吐劑^[9]
• Silene latifolia 嘅 alba 亞種，啲植物煲出來嘅泡劑做藥^[10]
• Viola canadensis，南部嘅奧志布偉人會攞啲根來熬成湯劑醫膀胱痛^[11]
• Uvularia grandiflora，有歷史文件紀錄過奧志布偉人用來醫腹腔神經叢痛(可能其實就係胸膜炎)^[12]
• Ribes glandulosum，啲根熬成湯劑來醫背脊痛同「女性虛弱」^[13]
• Sagittaria cuneata，個球莖食來幫助消化又或者就食來填肚。食嘅話用滾水灼熟、整乾又或者攞楓糖醃咗佢先。當地啲麝鼠同河狸好早就已經認識到哩種植物嘅價值。佢地會識得去辨別出哩種植物，並大量貯存起來食。^[14]
• Antennaria howellii ssp. neodioica，攞來煲泡劑畀產婦飲，幫助排出胎膜同身體恢復^[15]
• Solidago rigida，啲根攞去熬湯劑做灌腸劑或者煲泡劑用來止尿^[16][17]
• Onoclea sensibilis，將啲根整乾碾成粉後再沖茶噉做成湯劑，用來幫助母乳分泌^[18]

奧志布偉人所講嘅語言係奧志布偉語，用奧志布偉語講就係「Ojibwemowin」又或者「Anishinaabemowin」，係阿岡昆語族底下嘅一種語言。

呢節要加長。

根據奧志布偉人嘅傳説同白樺樹皮書卷記載，奧志布偉人起源於聖勞倫斯河河口嘅大西洋海岸一帶，又即係現今嘅魁北克省^[19]。佢地係搭住獨木舟先往北去，跟住再來回東西，然后往南，幾千年噉先至到佢地而家五大湖嘅大概位置。喺佢地遷徙嘅好幾千年之中，佢地同其他群族嘅交易路線橫遍北美大陸，就認識佢地每次遷徙啲路。奧志布偉人被公認作為一個文化或群體嘅開始好可能係受到同歐洲人嘅接觸導致。由於歐洲人習慣以民族、國家嘅形式去打交道，佢地會去用哩種思想來分類佢地所遇到嘅任何人^[20]。

奧志布偉人接觸歐洲人前嘅歷史，好多都係奧志布偉人以傳說或故事嘅形式口述相傳至今，後來有學者用考證出土遺跡等方法來到證實真實性。對哩啲傳說故事瞭解最多、最清晰嘅人就係啲長者同靈醫社啲人，其中靈醫社啲人又更係會去專門學習傳承知識，對於嗰陣時歷史嘅瞭解好多都係來於佢地。

關於奧志布偉人遷徙嘅故事可以畀分成兩個部份，一部份先介紹七隻大貝殼同奧志布偉人嘅淵源，另一部份就正式講遷徙過程。

話説，喺奧志布偉人仲住喺「東方之地^[a]」嘅時候，曾經有七隻大貝殼（Miigis）出現咗來傳授靈醫社^[b]畀佢地啲住喺東方之地嘅人。但係，嗰七隻大貝殼嘅其中一隻由於靈力太猛，猛到佢一去到埋東方之地啲人民就紛紛都會死嗮，嗰一隻大貝殼就提前返返到去個海度，其他嗰六隻大貝殼留住繼續傳授。喺嗰隻大貝殼返咗去個海度之後，嗰六隻大貝殼就幫東方之地嘅人民設立氏族^[c]（Doodem），每個氏族都以一隻動物來代表噉來設立咗五個。幫完佢地設立氏族之後，嗰六隻亦都返返埋到去個海度。哩五個氏族又即係阿爾什那貝人最初嘅氏族。如果之前嗰一隻大貝殼無提前返返到去個海嘅話，佢就會再設立多一個雷鳥氏族。

有一次，啲大貝殼嘅其中一隻喺一次神示之中再次出現來講説一個預言。佢就話由於因為好多白色皮膚嘅人即將從東方嗰度過來，如果佢地啲奧志布偉人唔開始往西遷徙，佢地就將會失去佢地傳統嘅生活。佢地嘅遷徙途徑將會有一系列更加細嘅烏龜島標記着，仲會有貝殼畀佢地去認證。喺從佢地嘅「同盟兄弟^[d]」同「父親^[e]」度得到佢地向內陸遷徙安全性嘅肯定之後，阿爾什那貝人就開始沿住聖羅倫斯河往西去，經過渥太華河、尼皮辛湖，然後到達五大湖。

啲更加細嘅烏龜島第一個就係滿地可島（Mooniyaa），又即係而家嘅滿地可市（Mooniyaang）所處個島^[21]。

如果將奧志布偉人往細分，奧志布偉人可以畀分成梳拖分支、奧志布偉分支、密西沙加分支哩三大分支同數百個更加細嘅遊群。而如果將奧志布偉人往大致分，佢地就同隔籬左右嘅渥太華人、波多沃米人、阿岡昆人、尼皮辛人、奧吉-克里人都一樣屬於阿尼什那貝人。

奧志布偉人係鐵聯盟同三火聯盟哩兩個同盟嘅成員。鐵聯盟包含嘅其他族群有克里人、阿西尼博因人同梅蒂人，而三火聯盟係由奧志布偉人同渥太華人、波多沃米人聯合構成。由於鐵聯盟係奧志布偉人嘅梳拖分支啲人自主加入嘅，嚴格上只有梳拖分支嘅人先係鐵聯盟嘅一部份，不過梳拖人又的確係奧志布偉人嘅分支，所以直接話奧志布偉人係鐵聯盟嘅成員都可以。^[22]

• 美洲原住民
• 第一民族
• 加拿大原住民
• Saulteaux

• ^ 奧志布偉語「Waabanakiing」，直譯「日落之地」，指Abenaki人生活嘅嗰度
• ^ 靈醫社嘅奧志布偉語詞「Midewiwin」直譯成中文就係「Mide嘅生活方式」，中文翻譯裏面嘅「社」字係後尾翻譯加上去嘅
• ^ 分別就係雲斑鮰（Wawaazisii），鶴（Baswenaazhi，直譯「回音者」），針尾鴨（Aan'aawenh），熊（Nooke，直譯「撫養者」）同埋駝鹿仔（Moozoonsii）
• ^ 即例如Mi'kmaq人
• ^ 即Abenaki人

• Smith, Huron H. (1932). "Ethnobotany of the Ojibwe Indians". Bulletin of the Public Museum of Milwaukee (4): 327–525.{{cite journal}}: CS1 maint: ref duplicates default (link)