Lake Placid, New York

Lake Placid, New York
Village
lawa sa Lake Placid
Kagamhanan
• Mayor	Evan J. Norkosky [1]
Langyab
• Total	1.5 sq mi (3.9 km2)
• Katunaan	1.4 sq mi (3.6 km2)
• Katubigan	0.1 sq mi (0.4 km2)
Kahitaas	1,801 ft (549 m)
Molupyo (2010)
• Total	2,521
ZIP code	12946
(Mga) kodigo hin pagtawag	518
FIPS code	36-40761
GNIS feature ID	0954931

Lake Placid, usa na village sa Adirondack Mountains sa Essex County, New Yo]], Esatdos Unidos. May'ada populasyon na 2,521 an village sa 2000 census.

Gintindog an Lake Placid sadton 19th century para madevelop an minahan san puthaw. Sa 1840, an popyulasyon sa "North Elba" (upat kamilya gikan san presente na village harani sa sigad na tipakadto sa Adirondak Loj natabok san salog san Ausable) ginbubug'os san unom na pamilya. Sa 1845, dinatung si Gerrit Smith sa North Elba ngan ginpalit an kadak'an na tuna palibot sa village, pinanhatag an mga tutuna sa mga dati na mga oripon, ginreporma an balaud sa tuna ngan nagpaimud sin pagsuporta san Abolitionism.

An abolitionist na si John Brown naaraman an mga reporma ni Gerrit Smith,ginbayaan an kanya mga anti-slavery na aktibidades sa Kansas ngan pinalit 244 acre na tuna, na unina nakilala na "Freed Slave Utopian Experiment," o Timbucto. Antes patayon si John Brown sadton 1859, ginpangaro niya na didto siya ilubong sa kanya uma, ngan mao an nagin John Brown Farm State Historic Site.

Sikat an Lake Placid na lugar na ginhimuan san Winter Olympics duha kabeses. Una na nag-host an Lake Placid san 1932 ngan nag-host sira otro pagkaagi sin 48 anyos, an 1980. Espisyal an nahihinumduman sa US an Lake Placid na gin'uyagan san 1980 USA–USSR hockey game, an gin tatawag na "Miracle on Ice", san an usa na grupo sin mga Amerikano na mga estudyante sa colehiyo ngan mga amateurs perdihun an lyamado na Soviet national ice hockey team 4–3 ngan makuha an bulawan na medalya.

Ginseserbihan an Lake Placid san Adirondack Regional Airport sa Saranac Lake, 16 milyas (26 km) tikang sa village. An Lake Placid Airport na duha ka milya an kahirayo timog san village, diri na hatag sin scheduled service kudi may'ada chartered flights.

An iba pa na hagrani na mga airport amo an Albany International Airport, Burlington International Airport ngan an airport sa Plattsburgh. Ginsiserbihan liwat an Lake Placid san Amtrak Thruway Motorcoach na nagdudugtung sa Westport. gintutuk'an liwat ini san Adirondack Trailways.

Sigun sa United States Census Bureau, May'ada an village total na area na 1.5 kwadrado nga milyas (3.9 km²), na may 1.4 kwadrado nga milyas (3.6 km²) tuna, ngan 0.2 kwadrado nga milyas (0.52 km²) (9.87%) katubigan.

• John Brown (1800–1859), abolitionist
• Melvil Dewey (1851–1931), inventor san Dewey Decimal Classification na Systema para sa mga library
• Kate Smith (1907–1986), singer
• Eric Heiden (born 1958), speedskater
• Andrew Weibrecht (born 1986), skier
• James Tolkan (pinanganak 1931), aktor, naistar sa syudad
• Lana Del Rey (pinanganak 1986), singer, nagdako sa Lake Placid

An Wikimedia Commons mayda media nga nahahanungod han: Lake Placid, New York

Lake Placid pagtugway hit paglakat tikang ha Wikivoyage

• Web site of the Lake Placid News
• Lake Placid Olympic Authority Ginhipos 2020-10-30 han Wayback Machine
• Lake Placid Police Department