Såvlon

Pol discramiaedje des årtikes avou l' mot « Såvlon », loukîz cial.

Li såvlon u såbe, c' est ene sôre di tere fwaite di tos ptits féns grins.

Il est poûjhî dins des såvnires u trôs d' såbe, k' ont leyî des nos d' plaeces el Walonreye. Eto sol boird di mer ou dins l' lét des corantès aiwes.

• såvlon d' pladje.
• såvlon d' wastene (do dezert)
• crås såvlon
• rodje såvlon

…

I sieve bråmint ås maçons po les moirtîs. Divant di s' è siervi, el fåt raidjî.

Li crustal est fwait di 61 åcint d' såvlon et 25 åcint d' plonk et des ôtes tchimicreyes.^[1]

Les efants djouwnut voltî dins l' såvlon. C' est po ça k' on ls ahesse avou des batchs å såvlon (dins les cortis u les plinnes di djeu).

• 
  raidjaedje (såvlon d' rivire)
• 
  distecherdjaedje di såvlon d' mer
• 
  batch å såvlon

Les plantes ki plèt crexhe sol såvlon, c' est des plantes a pårt, ca ele divèt prinde li mateur å moumint do plovaedje. Paski pocwè? Paski l' såvlon est foirt aiwipassant (permeyåbe).

Les vatches ki paxhèt so des teres å såvlon endè polèt magnî bråmint, et fé des maladeyes del panse et des boyeas. Les tchvås parey, et awè des trintchêyes.

Li såvlon lait les passêyes di biesses (et d' djin).

• 
  djin
• 
  Feré tchvå
• 
  tchén

Li såvlon si leye voltî epoirter på foirt vint. Dins l' desert, çoula dene ene timpesse di såvlon.

I gn a so les cmons Wikipedia des imådjes ou fitchîs son a vey avou l' såvlon .

1. ↑ Charles Massaux, divins Li Chwès.