Schoice
Li schoice ou pelake, c' est çou k' gn a ådfoû d' èn åbe ou d' on bouxhon, ossu bén sol bodje ki so les coxhes et les raecinêyes.
Li schoice pout esse foirt diferinne d' èn åbe a l' ôte, di tote lisse (hesse) a tote graevleuse (sawou), u come a firlotches (pectî fenicyin).
So ene viye beyôle, metans, li schoice est graevleuse å pî d' l' åbe, et pus lisse pus hôt.
C' est dins li schoice kel seuve monte dins les åbes. Cwand on rsaatche li schoice so tot l' toû d' èn åbe, i va crever. Metans les tcheneas pol tan. Droldimint, li tchinne-lidje sopoite k' on lyi rsaetche si schoice sins crever.
Dizo l' eschoice, gn a l' åbî u "blanc bwès".
