Félicien Rops

Félicien Rops, c' esteut on pondeu walon, skepyî l' 7 di djulete 1833 a Nameur et moirt li 23 d' awousse 1898 (a Essonnes, el France), et k' a fwait des belès pondeures erotikes di comeres, foirt avanciveuses po s' tins.

I gn a-st on muzêye a Nameur dedyî a Felicyin Rops.

Bén k' kinoxhou come pondeu, il esteut eto litografe, dessineu, enimådjeu eyet graveu; estant vî i s' interessa minme al botanike.

A Paris, i fjha des desséns po des grands scrijheus come Théophile Gautier, Alfred de Musset, Mallarmé, ou co Charles Baudelaire.

Mins mågré ces referinces, il a foirt lontins stî metou sol costé, la k' il esteut må veyou cåze di ses tåvleas erotikes.

• 
  Tåvlea «li pornocrate» do pondeu, fwait e 1896
• 
  «Les bagatelles de la porte»
• 
  «À cœur perdu»

E 2023, tins des Fiesses del Walonreye, les Relîs Namurwès ont fwait des visites do Muzêye Rops e walon.^[1]

I gn a so les cmons Wikipedia des imådjes ou fitchîs son a vey avou Félicien Rops .

• Waibe do mouzêye Félicien Rops a Nameur

1. ↑ Serge Otthiers, « Namur : Cinq expos, pour les 100 ans des Wallos », sol waibe del RTBF, 20 di djulete 2023.