Cou-d'-tchåsse-d'-Almand

Aconitum napellus

Pol discramiaedje des årtikes avou l' mot « tchapea-d'-djindåre », loukîz cial.

Li cou-d'-tchåsse-d'-Almand, c' est ene plante avou des bleusès fleurs.

Sincieus no d' l' indje : Aconitum napellus

Il egzistêye deus sinonimes po ci plante ci. On-z a, po cmincî, li « tchapea-d'-djindåre ». Ci no la, c' est eto on no di tchampion.

Dins l' walon do Coûtchant, on cåze eto d' on « bleu-montant ». On l' ôt foiravant do costé d' El Lovire eyet l' ci d' Måtche-dilé-Scåssene.^[1]

Ça pousse purade å solea eyet tins d' l' esté, foiravant inte li moes d' djun ey el ci d' awousse.^[2] La eto k' il egzistêye des ôtès sôres d' ci plante ci.^[3]

Il est foirt uzé e-n Azeye come ene yebe ås maladeyes. On s' endè sieve puvite conte les doleurs des musses.^[4] Foû del medcene rîlêye, ci plante ci est foiravant uzêye dins l' omeyopateye, metans po médyî l' five.^[5]

Fåt prinde asteme cwand on s' sieve do cou-d'-tchåsse-d'-Almand, ca c' est ene plante mo epweznante. I pout fé bråmint d' må å cour, virpus å sistinme nierveus.

Cwand on tchåfe li plante, si epweznance discrexhe.^[4]

1. ↑ O5 ey O51.
2. ↑ https://www.barrault-plantes-jardins.com/jardin/25-aconitum-napellus.html
3. ↑ https://www.snhf.org/fiche-plante/aconit-l-arsenic-vegetal/
4. ↑ ^4,0 et ^4,1 https://www.poison.org/articles/why-is-monkshood-considered-a-poison--174
5. ↑ https://www.passeportsante.net/fr/Solutions/MedicamentsHomeopathiques/Fiche.aspx?doc=medicament-homeopathique-aconitum-napellus