ålea

Tayon-bodje vî hôt almand « ahsalal », çou ki dene on mot avou l’ cawete « -ea », racuzinåve avou l' almand « Achsel » (sipale).

• AFE :
  • diferins prononçaedjes : /oː.ˈlɛː/ /õ.ˈlɛː/ /oː.ˈlja/ (betchfessî å, halcrosse rîlêye)
  • prononçaedje zero-cnoxheu : /ɔː.ˈlja/ (waire u nén prononcî insi å 20inme sieke)
• Ricepeures : nén rcepåve

ålea omrin

1. baston k' on stitche e tere po s' alignî.
2. baston.
   • Colas rintere (…) avou les deus ptits, Françwesse et Ziré, k' ont les mashales fene rodjes, on grand ålea d' poes al mwin, e criyant: « Tchawe-sori, passe par ci, t’ årès do pwin rosti et del pixhete di canari, po t’ rafrexhi ! » — Joseph Calozet, Li bracnî, p. 20 (fråze rifondowe)..
3. (mot des cotlîs) grande pîce metowe come astoca po les poes, les feves; coxhe di beyôle ki sieve pareymint.
4. (tchesse) grande stocasse pietche po poirter on djibî a deus djins.
   • On-z aloye les cwate pates eshonne e rdressant l' tiesse po k' ele ni trinne nén al tere; on passe èn ålea inte les pates, on l' mete a spale et hay daday sins brut après Nåwinne — Georges Pècheur (fråze rifondowe).

w. do Mitan, Basse Årdene, w. do Levant