camaeråde

Bodje espagnol «camara» (tchambe), avou l’ cawete « -åde », onk k' on pårtaedje si tchambe.

• AFE :
  • diferins prononçaedjes : /ka.mɛ.ˈʀɔːt/ /ka.ma.ˈʀɔːt/ /ka.ma.ˈʀaːt/ /ka.mɛ.ˈʀaːt/ /ku.ma.ˈʀaːt/ (betchfessî å), (betchfessî ae, halcrosse rîlêye)
  • prononçaedje zero-cnoxheu : /ka.mɛ.ˈʀɔːt/
• Ricepeures : ca·mae·råde

camaeråde omrin et femrin

1. (mot del veye sociåle) djin, purade do minme seke, k' on s' plait bén avou leye.
   • C' est on grand camaeråde. — Motî Forir (fråze rifondowe).
   • Ns avans stî camaerådes di scole. — Motî Forir (fråze rifondowe).
   • Les vîs camaerådes, c' est les meyeus d' tot. — Motî Forir (fråze rifondowe).
   • Mes camaerådes m' ont vnou dire "c' est nosse fiesse; vinez danser". — Nicolas Defrecheux (fråze rifondowe).
   • Fåt-st assoti ! Vocial co ene feye nosse camaeråde Lefeve avou ses vîs råtchåds. — Jacques Lefebvre (fråze rifondowe).
   • Ses camaerådes avént bén veyou k' i n' esteut nén parey k' ås ôtes voyaedjes. — Roger Prigneaux (fråze rifondowe).
   • Surmint ene camaeråde a vosse sour ! Avou leye, vos årîz bén rade tot l' coron dins vo måjhone (Jean-Noël Fays).
   • Leticia a tcheyou so ene camaeråde di scole. — Lucyin Mahin.
2. (dins èn arinnoe) valet.
   • Ci n' est nén insi k' on maxhe li djote, hin, camaeråde !
   • A nos deus, asteure, camaeråde !
   • Kimint vs va-t i don, camaeråde Mitchî ? — Motî Forir (fråze rifondowe).
   • Vos avoz råjhon, camaeråde. — Joseph Vrindts, « Li pope d'Anvers » (1896), p.34 (fråze rifondowe).
3. (radoûcixhanmint) kipagnon dins ene cope omosecsuwele.
   • Si camaeråde, k' on n' aveut måy riwaitî, a vnou a l' etermint avou tot on busse di pareys a lu — Lucyin Mahin (fråze rifondowe).
4. dins les payis comunisses, et dins sacwants soces di gåtche, lomaedje di tolminme ké djin, minme k' on n' voet nén voltî.
   • Eto, foirt oniesmint, dji dirè k' c' est d' å lon Ki dj' a fwait l' conoxhance do camaeråde Dehon (J. Orban).

1. on bon camaeråde våt mî k' cint parints
2. fé camaeråde
3. esse camaeråde eshonne : esse soçon u soçone di
4. Camaeråde ! : Criya cwand on est prins pa èn enmi, po sayî di n' si nén fé touwer.
   • Camaeråde ! ki dj' a criyî, mi eto, e tapant mes bresses e l' air. — Willy Bal (fråze rifondowe).
   • Li troejhinme, ci-cial, a levé ses bresses tot breyant "camaeråde". Et nos l' avans fwait prijhnî. — Jean-Pierre Dumont (fråze rifondowe).
5. on camaeråde, c' est on måye di bådet : dijhêye d' onk k' on l' lome insi.

• cama
• camaerådreye, camaerådijhe
• camaerådrece, camaerådreçmint

• cama
• soçon, soçone
• cousse
• planket / planlete
• copin, copene
• kipagnon, kipagne
• amisse, anîsse

• confré / consour
• copleu, copleuse
• parey a lu / pareye a leye
• colegue