Vint

Een vint is e mens van 't mannelik geslacht. E typische vint hèt karyotype 46 XY, of m.a.w. 46 chromosoomn, woarounder één X- en één Y-chromosoom.

• Penis met an 't ende de eikel. De penis kan een erectie krygn woadeure dat 'n rechte komt te stoan.
• Scrotum (balzak) mè doarin de teelballn en byballn
• Prostoat
• Zoadleider
• Zoadbloasjes
• Kliere van Cowper

• Mêer hoar ounder d'oksels, schoamstreke, oanzichte, borst en ip de ledemoatn
• Adamsappel die ipvalt
• Zwoare stemme (board in de kele)
• Sterke bot- en spierountwikkelienge

De eignlikke mannelikheid wordt verôorzakt deur et SRY-gen (Sex determining region Y) ip et Y-chromosoom. Azô bestoan der vintn die genotype XX hèn, moa één (of mêerdere) van die X-chromosoomn bevat et SRY-gen, die makt da de persoon in kwestie e vint is. Normaliter hèn X-chromosoomn gin SRY-gen, moa 't komt deurda da gen deur chromosomoale translocatie verschoven is van plekke tusschn twêe chromosoomn. Ommegekêerd zyn der vrouwn met XY die e defect of gin SRY-gen hèn. Et product van et SRY-gen noemn ze de TDF, of de testis determining factor. Menschn met et syndroom van Klinefelter hèn e karyotype van 47 XXY (of 2 X-chromosoomn en 1 Y-chromosoom).

Ofbeeldiengn die ier by passn ku je vien in de categorie Male humans van Wikimedia Commons.