Sabol'č-Satmar-Bereg

Sabol'č-Satmar-Bereg (mad'j.: Szabolcs-Szatmár-Bereg megye [ˈsɒbolt͡ʃ ˈsɒtmaːr ˈbɛrɛɡ]) om üks' Mad'jaranman agjoišpäi. Sen administrativine keskuz da kaikiš suremb lidn om N'jired'haz.

Agj om sätud Toižen mail'man sodan jäl'ghe kahten agjan ühtištusel: Sabol'č i Satmar-Ugoča-Bereg (Szatmár-Ugocsa-Bereg). Edel 1991. vot nimituz oli Sabol'č-Satmar.

Agj levigandeb valdkundan pohjoižpäivnouzmas. Röunatab kahtenke agjanke i koumenke valdkundanke: Slovakii, Ukrain (Karpatantagaine agj) i Romanii.

Pind om 5 935,83 km². Ristitišt — 562 357 eläjad (2015). Kaikiš suremb eläjiden lugu oli 593 829 ristitud vl 1980.

Sabol'č-Satmar-Bereg-agj jagase koumetoštkümneks jarašaks (rajonaks). Edel vn 2013 administrativišt reformad kaks'toštkümne kišteršegad (rajonad) oli niiden sijas.

Sabol'č-Satmar-Beregas om kaks'kümne kahesa lidnad:

• Ajak (Ajak)
• Baktaloranthaz (Baktalórántháza)
• Bal'kan' (Balkány)
• Čenger (Csenger)
• Demečer (Demecser)
• Dombrad (Dombrád)
• Feherd'jarmat (Fehérgyarmat)
• Ibran' (Ibrány)
• Kemeče (Kemecse)
• Kišvard (Kisvárda)
• Mandok (Mándok)
• Mariapoč (Máriapócs)
• Matesal'k (Mátészalka)
• Nad'ječed (Nagyecsed)
• Nad'halas (Nagyhalász)
• Nad'kallo (Nagykálló)
• N'jirbator (Nyírbátor)
• N'jired'haz (Nyíregyháza) — agjan administrativine keskuz
• N'jirlugoš (Nyírlugos)
• N'jirmad (Nyírmada)
• N'jirtelek (Nyírtelek)
• Rakamaz (Rakamaz)
• Tisalök (Tiszalök)
• Tisavašvari (Tiszavasvári)
• Uifeherto (Újfehértó)
• Vašarošnamen' (Vásárosnamény)
• Vai (Vaja)
• Zahon' (Záhony)

Neciš agjas om 229 žilod lidnoihe ližaks.

• Sabol'č-Satmar-Bereg-agjan oficialine sait (szszbmo.hu). (mad'j.)