Pragan metropoliten

Pragan metropoliten (čeh.: Pražské metro) om üks'jäine metropoliten Čehanmas. Se om avaitud vn 1974 9. päiväl semendkud. Pragan kundaližen transportan edheotand ohjandab sil (čeh.: Dopravní podnik hl. m. Prahy).

Projektiruihe metrod 1920-nziš vozišpäi, sauvoškanzihe vl 1966 NSTÜ:n abunke. Koume linijad funkcioniruidas Pragan metropolitenas nügüd'aigan, raudteiden piduz om 65,2 km. Vspäi 2015 stancijoiden lugu om 61, sidä kesken 3 sirdandsol'med. Koume depod om olmas, kaikutte ühtenzoitase raudtenke. Vodes 2016 Pragan metropoliten vedi 461,16 mln matknikoid (seičemenz' sija EÜ:s).

Üks' 30-minutaine ajo maksab 1€ (2017). Biletad matkadamha oleskeldas lühüdaigaižed (čeh.: jízdenka, 3 päivhäsai) i pit'kaigaižed (čeh.: kupon, kuspäi vodhesai) lidnan toižen transportan kartte. Biletad päivhä da sen hätkemba oma väges Pragan kundaližtransportan kaikil toižendoil päiči taksiš.

Vn 2002 elokus 19 stancijad 51:späi oliba upotadud Vltavan sur'veden tagut. Vn 2003 keväz'kuhusai metro ei olend rados, udessündutihe vhesai 2004. Vn 2013 3. päiväl kezakud metropolitenan keskuzstancijad oliba sauptud sen-žo sün taguiči.

Linijan muju	Nimi	Avaitud	Piduz (km)	Stancijad
	Linii A	1978−2015	17,1	17
	Linii B	1985−1998	25,6	24
	Linii C	1974−2008	22,4	20
Kaiked:			65,2	61

• Pragan transportkompanijan oficialine sait (dpp.cz). (čeh.) (saks.) (angl.)
• Pragan metropoliten metroweb.cz-saital. (čeh.) (angl.)

Pragan metropoliten Vikiaitas