Katia Ricciarelli

Katia Ricciarelli

Biografia
Nasimènto	18 de zenaro del 1946 (78 ani) Rovigo (Itàlia)
Dati personałi
Formasion	Conservatorio Benedetto Marcello
Atività
Ocupasion	lìrego, ator
Atività	1969 - in atività
Zènare	Òpara
Voze	Sopran
Instrumento muzicałe	Voze
Targheta discogràfega	RCA Red Seal (it) EMI Classics (it) Deutsche Grammophon Philips Records (it) Columbia Records
Repertòrio
opara łirega
Fameja
Cògnuze	José Carreras (it) Pippo Baudo (1986–2007)
(15 de febraro del 1996)  Comendatore de l'Ordre des arts et des lettres  Grande ufficiale OMRI (it)  medaja de oro al mèrito de ła cultura e de l'arte
Sito web	katiaricciarelli.it

Katia Ricciarelli, a l'anagrafe Catiuscia Maria Stella Ricciarelli (Rovigo, 16 de zenaro 1946), ła ze un sopran, atora e personajo tełevizivo itałiana.

Nasesta in una fameja non azià, ła mare, zbandonada da'l mario rołà cofà vołontario inte ła canpanja de Rusia, ła ze stà costreta a crésar da soła łe tre fiołe. Katia, ultimozenita, avua da ła rełasion co n'altro omo conosuo durante un sojorno łaorativo in Zermania, ła ga mostrà daspuò l'adołesensa un forte intarese par el canto, dezvolzendo inte'l fratenpo racuanti łaori par sostenjerse, tra cui l'operaia inte na fàbrega de manjadischi.

Ła ga studià a'l Conservatorio Benedetto Marcello de Venesia, debutando a Mantoa inte'l 1969 co La bohème e aparindo l'ano sucesivo a'l Regio de Parma inte'l Il trovatore. Ła ze montà a ła rebalta inte'l 1971 dopo de aver vinsesto el Concorso Intarnasionałe Voze Verdiane de ła Rai ezeguindo na aria da Il corsaro.

Ła se ga ezibìa inte'i mazori teatri de'l mondo: Lyric Opera de Chicago (1972), Teatro alla Scala (1973), Royal Opera House de Łondra (1974), Metropolitan Opera (1975), spasiando tra łe òpare de Puccini, Verdi, Rossini, Donizetti e altri, e razonzendo łivełi de partegołar esełensa inte ła segonda metà dei ani '70 (Anna Bolena, Parma 1977; Tancredi, New York 1978).

Inte i ani otanta, ła ga inisià na cołaborason desenałe co'l Rossini Opera Festival de Pesaro otenjendo sucesi notevołi inte'l repertorio belcantista: Rossini prensipalmente (Semiramide, Elena inte La donna del lago, Bianca inte Bianca e Falliero a fianco de Marilyn Horne, Ninetta inte La gazza ladra, Madama Cortese inte ła stòrega prima repreza asołuta de Il viaggio a Reims soto ła diresion de Abbado), ma anca Donizetti (A se recorda soratuto Lucrezia Borgia a Bołogna inte'l 1984^[1]).

Senpre inte i ani otanta ga tacà revełarse un serto declino vocałe, cauza de serti insucesi, soratuto in rołi masa spenti par łe só caratarìsteghe vocałe. Inte'l 1983 ła ga cantà Aida a ła Royal Opera House de Łondra, forte de l'insizion de do ani prima e de l'irobustimento de ła voze, ma ła ze stà fiscià a cauza de ła dificoltà inte i agùi stremi; tre ani drioman ła ga debutà in modo non fełise a Trieste co Norma. Inazonta A ze famoza ła performance a ła Scala de'l majo 1989 in Luisa Miller, co ła ze stà contestà co rabieso; finia l'opara ła ze insia so'l palcosènego inrabiada, biastemando contro i spetadori.

Inte'l 1994, par i vintisincue ani de cariera, ła ze stà insinjìa de'l titoło de Kammersängerin a Viena e de Grando Ofisiałe de ła Repùblega Itałiana. Inte'l 1999 in ocazion de'l 30º aniversario de cariera ła ga debutà in Fedora.

Inte i ani 2000 ła ga sciarìo ła cariera oparìstega, łimitando ła só atività a'l Politeama Greco di Lecce, de'l cuało ła ze stà diretora artìstega e andove ła ga debutà in nove òpare: Werther (2001), Le convenienze ed inconvenienze teatrali (2002), Rinaldo (2003). Ła ga avesto ła carga de diretor artìstego de'l Sferisterio de Macerata da'l 2003 a'l 2005.

Inte'l steso parìodo ła ga afiancà a l'atività muzegałe ła nova cariera de atora, inisialmente in film TV e fiction, drioman in film d'autor zvolzendo anca rołi da protagonista, cofà inte La seconda notte di nozze de Pupi Avati, ła cui intarpretasion ła ghe ga vałesto el Nastro d'Arzento. Ła se ga dedegà anca a'l musical, intarpretando Caruso (2002) e Gloriosa (2008).

Drioman a na łonga rełasion co'l tenor José Carreras, durà 13 ani^[2], el 18 de zenaro 1986 ła ga spozà el prezentador tełevizivo Pippo Baudo; ła cubia ła se separarà inte'l 2004 par devorsiar drioman tre ani drio.

Dotà de na voze de tinbro etereo, mòrbia e łuminoza, de spicada muzegałità e di senso de'l frazejo, ła ze séłebre par i fiłai, łe zmorsadure e i pianisimi, ma ła mancansa de na otìntica tècnega virtuozìstega e ła mai conpleta paronanza tècnega de'l rezistro agùo a voze piena^[3] łe ga zvejà serte reserve, oltra ad aver cauzà un declin vocałe rełativamente bonorivo.

• 1971 - Anacréon (Corine)
• 1971 - Il corsaro (Medora)
• 1971 - Il trovatore (Leonora)
• 1972 - Giovanna d'Arco (Giovanna)
• 1972 - I due Foscari (Lucrezia)
• 1973 - Don Carlos (Elisabetta)
• 1973 - I Capuleti e i Montecchi (Giulietta)
• 1973 - I due Foscari (Lucrezia)
• 1974 - Luisa Miller (Luisa)
• 1975 - Carmen (Micaëla)
• 1975 - Jérusalem (Hélène)
• 1975 - Un ballo in maschera (Amelia)
• 1976 - La traviata (Violetta)
• 1976 - Luisa Miller (Luisa)
• 1977 - Il trovatore (Leonora)
• 1978 - Tancredi (Amenaide)
• 1979 - Guglielmo Tell (Matilde)
• 1979 - La traviata (Violetta)
• 1980 - Carmen (Micaëla)
• 1980 - Un ballo in maschera (Amelia)
• 1980 - Messa da requiem (Verdi) (Sopran) direta da Claudio Abbado co Plácido Domingo, Deutsche Grammophon
• 1981 - Maria de Rudenz (Maria)
• 1982 - Falstaff (Alice)
• 1982 - L'esule di Roma (Argelia)
• 1982 - Lucia di Lammermoor (Lucia)
• 1982 - Stabat Mater (Sopran)
• 1983 - Paride ed Elena (Elena)
• 1983 - Petite messe solennelle (Sopran)
• 1983 - Turandot (Liù)
• 1984 - Il viaggio a Reims (Madama Cortese)
• 1984 - Simon Boccanegra (Maria)
• 1985 - Il viaggio a Reims (Madama Cortese)
• 1986 - Bianca e Falliero (Bianca)
• 1986 - I puritani (Elvira)^[4]
• 1986 - Poliuto (Paolina)
• 1989 - La gazza ladra (Ninetta)
• 1990 - Zaira (Zaira)
• 1991 - Anna Bolena (Anna)
• 1991 - I Capuleti e i Montecchi (Giulietta)
• 1995 - La bohème (Mimì)
• 1997 - Messa n° 2 in sol minore (Sopran)
• 1997 - Missa pro defunctis (Sopran)
• 1997 - Tantum ergo (Sopran)
• 1998 - Fedora (Fedora)

• Otello, co Placido Domingo, diresion muzegałe Lorin Maazel e regia de Franco Zeffirelli (1986)
• La seconda notte di nozze, regia de Pupi Avati (2005)
• I dì perduti, regia de Bruno Gaburro (2006)
• Bianco e nero, regia de Cristina Comencini (2008)
• Gli amici del bar Margherita, regia de Pupi Avati (2009)
• La sedia della felicità, regia de Carlo Mazzacurati (2014)
• Infernet, regia de Giuseppe Ferlito (2016)
• Mancino naturale, regia de Salvatore Allocca (2021)

• Gian Burrasca (2001)
• Don Matteo 4 (2004)
• Ma chi l'avrebbe mai detto (2006)
• Carabinieri 7 (2008)
• Il ritmo della vita (2009)
• Così fan tutte (2009)
• Un passo dal cielo (2011-2015)
• Faccia d'angelo (2012)
• Un matrimonio (2013)
• Come una madre, ep. 3 (2020)

• Un'estate italiana (Rai 1, 1991)
• Segreti e bugie (Rai 1, 2000)
• Katia e Mara verso oriente (Rai 1, 2000)
• Una voce par Padre Pio (Rai 1, 2000)
• Venezia, la luna e tu (Rai 1, 2002)
• La fattoria (Canale 5, 2006) concorente
• Io canto (Canale 5, 2010) giurata
• Let's Dance (Canale 5, 2010) concorente
• Ciak... si canta! (Rai 1, 2011) zurada
• Sabato in (Rai 1, 2015-2016) inviada
• Selfie - Le cose cambiano (Canale 5, 2016) mentore
• Festival de Castrocaro (Rai 1, 2018) giurata
• Io e te (Rai 1, 2020) co-condutora
• Il cantante mascherato (Rai 1, 2021) concorente

• Gloriosa de Peter Quilter, regia Enrico Maria Lamanna (2008)
• Altro di me de Maurizio Costanzo-Enrico Vaime, regia Marco Mattolini (2014)
• Elisir d'amore "da l'ópara a ła canson d'autor" produzesto da Francesco Serio par CDB (2015)

1. ↑ "E arrogante nella pienezza e nella duttilità della voce era la protagonista Katia Ricciarelli che ha benedetto la scrittura vocale con un crescendo di intensità emozionante" (Angelo Foletto, Povera Lucrezia Borgia una madre tanto tenera!, «la Repubblica», 19 aprile 1984), "Splendida Katia Ricciarelli" (Adriano Cavicchi, Lucrezia virtuosa, «Il resto del carlino», 19 aprile 1984)
2. ↑ Intervista a Verissimo del 18 aprile 2009
3. ↑ Garzantine, Musica, vol. 2: Ricciarelli, Katia
4. ↑ Version «Malibran», primo łestimento senego mondiałe

• Katia Ricciarelli, Gioconda Marinelli, Altro di me non saprei narrare, ISBN 978-88-7424-380-8, 2008, Aliberti Editore.

• Wikimedia Commons el detien imàjini o altri file so Katia Ricciarelli
• Scholia el detien schemi gràfeghi so Katia Ricciarelli

• Sito ufisałekatiaricciarelli.it.
• Ricciarèlli, KatiaTreccani.it – Enciclopedie on line, Istituto de ła Ençiclopedia Italiana.
• Lorenzo Tozzi, RICCIARELLI, Katia, in Ençiclopedia Italiana, V Appendice, Istituto de ła Ençiclopedia Italiana, 1994.
• Ricciarèlli, Kàtiasapere.it, De Agostini.
• Katia Ricciarellienciclopediadelledonne.it, Enciclopedia delle donne.
• Katia RicciarelliDiscografia nazionale della canzone italiana, Istituto centrale per i beni sonori ed audiovisivi.
• (EN) Katia RicciarelliAllMusic, All Media Network.
• (EN) Katia RicciarelliDiscogs, Zink Media.
• (EN) Katia RicciarelliMusicBrainz, MetaBrainz Foundation.
• (EN) Katia RicciarelliInternet Movie Database, IMDb.com.
• (EN) Katia RicciarelliAllMovie, All Media Network.